ССАЖ-ын сайдын урилгаар Дэлхийн зураачдын холбооны тэргүүн, БНХАУ-ын Урчуудын Эвлэлийн хорооны дарга Дю Да Вэй тэргүүтэй хятадын уран зургийн нэрт төлөөлөгчид манай улсад айлчилна. Үүнтэй холбогдуулан  “Хятадын орчин үеийн урлаг” хэмээх уран зургийн үзэсгэлэн дэлгэгдэх гэж байна.  Үзэсгэлэн маргааш өдрийн 17.00 цагт "Маршал арт галерей"-д нээлтээ хийж энэ сарын 14-нийг хүртэл үргэлжлэх бөгөөд Хятадын өнөө үеийн нэр хүндтэй арван уран бүтээлчийн 30 гаруй зураг тавигдах юм. Энэ үзэсгэлэн тавигдсанаар Хятадын уран зургийн арга барилыг монголын зураачид болоод ард түмэнд  танилцуулж хоёр орны уран бүтээлдийг харилцан туршлага солилцуулаад зогсохгүй цаашдын хамтын ажиллагаанд тус нэмэр болох зэрэг олон ач холбогдолтой аж. БНХАУ-ын зураачид энэ айлчлалын үеэр манай ард түмний аж байдал, байгалийн сайхантай танилцан уран бүтээлдээ тусгахаар Хөвсгөл, Орхон, Дархан-Уул, Сэлэнгэ зэрэг аймгуудаар аялал хийхээр төлөвлөжээ. 

“Хятадын орчин үеийн урлаг” үзэсгэлэнд оролцох уран бүтээлчид:
1.    Лю Да Вэй / Дэлхийн зураачдын холбооны тэргүүн, БНХАУ-ын УЭХ-ны дарга /
2.    Шиао Хан  / БНХАУ-ын Найрамдалт Харилцааны Зургийн Хүрээлэнгийн орлогч дарга /
3.    Чэн Жэн Гуо   / Бээжин хотын УЭХ-ны дэд дарга /
4.    Жоу Рун Шэн   / ӨМӨЗО-ны УЭХ-ны дарга  /
5.    Чи Хай Фэн   / Хэ Бэй мужийн УЭХ-ны дарга  /
6.    Жан Жүнь Дэ  / ӨМӨЗО-ны УЭХ-ны дэд дарга  /
7.    Лю Жиан   / Бугат хотын УЭХ-ны дарга /
8.    Ван Мэн Ху  / Бээжин хотын Хай Диан дүүргийн Зургийн хүрээлэнгийн дарга /
9.    Жан Фү Шин  / Гуан Ши мужийн Гуй-Лин хотын Зургийн хүрээлэнгийн дарга /
10.    Хү Хэ Фү  / ӨМӨЗО-ны Ордос хотын УЭХ-ны дарга /