Шотландын Фалкирк хотод 30 метр өндөртэй хос морины хөшөө барьжээ. Энэхүү хөшөөний загварыг гаргасан Шотландын уран бүтээлч Энди Скот нь Forth & Clyde суваг, M8 автомашины замын аль алиныг нь харах боломжтойгоор бүтээжээ. Нийтдээ 350 га талбайг эзлэн орших байгууламжийн ажил энэ зунаас эхлэсэн боловч танилцуулга бүхий жижиг загварыг нь олон улсын нисэх буудлуудад тараасан гэнэ. Морины хөшөө нь Чикагогийн олон улсын уран барилгын алдартай үзэсгэлэнгээс сонгогдсон Европын цорын ганц байгууламж учраас Шотландчууд жуулчдын анхаарлыг татах болсон байна.

 Барилгын загварыг гал тогооны өрөөндөө гаргасан уран бүтээлч энэ төслөө амжилттай хэрэгжүүлсэндээ баяртай байгаа ажээ. Гадаадын хэвлэлүүдэд дэлхийн хамгийн том морьтой хөшөө сүндэрлэсэн гэж мэдээлсэн байна.
•    Хөшөөний үндсэн хэсгийг гаргахад 5,5 киллометр урт ган төмөр хэрэглэжээ.

Харин 2008 онд сүндэрлэсэн Монголын эзэн хааны хөшөө:

-Нийт 212 га талбайг хамардаг.
-Морьтой хөшөө 40 метр өндөр. Чингис хааны хөшөөний өндөр гэхэд 10 метр юм.
Европын морьт хөшөөний барилга байгалийн үзэсгэлэнт газар баригдсан гэдгээрээ жуулчдын анхаарлыг татдаг. Монголын эзэнт гүрний 13-14-р зууны байлдан дагууллын үеийг бэлгэддэг хөшөөг 4,1 сая долларын өртгөөр босгож байсан түүхтэй. Энэ хоёр цогцолборын аль нь анхдагч, дэлхийн гайхамшиг болохыг уншигч та тунгаана биз ээ.