Бид нэг л гариг дээр амьдарч буй ч эрчүүд ангараг, эмэгтэйчүүд сугар гаригаас ирсэн юм шиг тархины хувьд огт өөр бүтэцтэй байдаг. Өөрөөр хэлбэл тархины үйл ажиллагаа хүйсээс хамаарч ихээхэн өөрчлөгддөг ажээ. Эрдэмтэд хүний мэдрэлийн системийн зургийг гаргасан байна. Ингэснээр эмэгтэйчүүдийн тархи ой санамж сайтай бөгөөд нийгэмтэй харилцахад тохиромжтой байдаг бол эрчүүдийнх ойлголцол, нийцэлд зориулагдсан байдаг гэсэн дүгнэлтэд хүрчээ. Эрдэмтэд 1000 гаруй хүнд явуулсан урт удаан хугацааны судалгааны дүнд эрэгтэй, эмэгтэй хүмүүсийн тархины ялгааг олсон байна. Эмэгтэйчүүдийн тархи зүүн, баруун талруугаа илүү холбогдсон бол эрчүүдийнх эсрэгээрээ өмнө эсвэл арын хэсгийн хоорондох холбоос илүү хүчтэй гэнэ. Пенсельванийн их сургуулийн судлаач Рагина Верма энэхүү судалгаа эрчүүд юмыг хурдан ойлгож, хурдан дасан зохицдог бол эмэгтэйчүүд хүмүүстэй харилцахдаа авъяастай гэсэн хэвшмэл ойлголттой тохирч байгаад гайхаж байна.

    Зүүн тархи зүй тогтолтой сэтгэхэд зориулагдсан бол баруун тархины зөн билгийн мэдрэмж илүү хөгжсөн байдаг. Хэрвээ энэ хоёр чадварын аль аль нь байдаг бол эмэгтэйчүүдийн дасан зохицох чадвар илүү байна гэж Верма хэлжээ. Эмэгтэйчүүд зөн билгийн мэдрэмж өндөртэй бас ямар нэгэн зүйлийг санахдаа илүү сайн байдаг. Тиймээс ч сонсож байгаа зүйлдээ илүү сэтгэл хөдлөлтэй ханддаг. Бид шилдэг үсчин, эсвэл тогооч гэхээр ихэнхдээ эрэгтэйчүүдээр төсөөлдөг шүү дээ. Үүнтэй адил бидний дотроо бодож байдаг хэвшмэл ойлголтууд бодит байдалд нийцэж байгаа нь гайхалтай гэж тэрээр нэмж хэлсэн байна.

         
   Энэ нь эрэгтэй, эмэгтэй хүний тархи хэрхэн ажилладагийг харьцуулсан томоохон судалгааны нэг болжээ. Янз бүрийн насны хүмүүсийг хамруулан судалсан тархины зураг нь шизофрен, сэтгэл гутрал зэрэг тархины эм замбараагүй, хэвийн бус байдалтай эмгэгүүдийн талаар илүү ихийг олж мэдэхэд туслана гэж тэд найдаж байна.

   8-22 насны 428 эрэгтэй, 521 эмэгтэй хүнийг оролцуулсан судалгаанд тархины холбоосууд нь замын системтэй ижил бүтэцтэй байгааг илрүүлсэн байна. Өөрөөр хэлбэл, тархи бол хүний бодол, сэтгэхүйг удирдах зам юм. Эмэгтэйчүүдийн тархины зүүн, бараг хэсгүүдийн хоорондох холбоосууд том байхад эрчүүдийн бага тархины баруун, зүүн талын холбоосууд илүү их байжээ. Энэ нь тархины төв хяналтын системд чухал үүрэг гүйцэтгэдэг. Хэрэв та цанаар сайн гулгаж сурахыг хүсвэл бага тархи хүчтэй байх шаардлагатай.
   13-аас дээш насанд эрэгтэй, эмэгтэй хүмүүсийн тархины ялгаа цөөн байсан бол 14-17 насанд энэ ялгаа илүү их илэрчээ. Энэ судалгааны ач холбогдол нь эрэгтэй, эмэгтэй хүмүүсийн чадварын ялгааг гаргаад зогсохгүй, хүйснээс мэдрэлийн өвчин хэрхэн хамаардаг болохыг тогтоох боломжтой юм байна.