“Online Media Awards 2013”-ын эхний шатны шалгаруулалт онлайнаар санал хураалт авах замаар явагдаж байна. Уншигч та Мэдээллийн Сайтуудын Ассоциациас зохион байгуулж буй энэхүү арга хэмжээний шалгаруулалтад саналаа өгөхийн тулд www.onlinemedia.mn сайтад орж, шилдэг 11 номинацийн эздийг тодруулахад өөрийн сонголтоороо бодит хувь нэмрээ оруулах эрхтэй гэдгийг тодотгон хэлэх байна. Интернэт хэрэглэгч иргэн та facebook&twitter хаягнаасаа нэвтэрч нэг номинацид дээд тал нь 3 удаа санал өгөх эрхтэй. Учир нь номинаци тус бүр дээр 3 нэр дэвшигчийг шалгаруулж, сүүлийн шатанд үлдээх юм. Тэгэхээр уншигч та тухайн номинацид нэр дэвшсэн хэдэн арван нэр дэвшигчдээс хамгийн сайн гэж үзэж байгаа 3 хүртэлх тооны оролцогчдод санал өгөх эрхтэй гэсэн үг. Гэхдээ заавал гурван нэр дэвшигчид санал өг гэж тулгаж байгаа хэрэг огтоос биш. Та хүсвэл нэг нэр дэвшигчид ч саналаа өгч болно. Гол нь танд нэг номинацид гурван удаа удаа санал өгөхдөө гурван өөр оролцогчид санал өгөх боломж байгаа гэдгийг хэлж байгаа юм. Мөн нэг зүйлийг сануулахад, “Оны шилдэг твиттерч” номинацид зөвхөн твиттерчид twitter хаягаараа санал өгөх эрхтэй.“Online Media Awards 2013”-ын 11 шилдэг номинацийг хүргэж байна.
1. Оны Шилдэг сайт
2. Оны Шилдэг нийтлэлийн бодлогoтой сайт
3. Дебьют сайт
4. Оны Шилдэг төрөлжсөн сайт
5. Оны Шилдэг орон нутгийн сайт
6. Оны Шилдэг төрийн байгууллагын сайт
7. Оны Шилдэг блог
8. Оны Шилдэг жиргээч
9. Оны Шилдэг facebook page&group
10. Youtube Хамгийн их үзсэн видео
11. Сайтаар хамгийн их бичигдсэн хүн гэсэн номинациудад нэрээ дэвшүүлэх боломж нээлттэй.
Эхний шатны санал асуулга 17-ны өдрийг дуустал үргэлжлэх бөгөөд 11 номинаци тус бүрт гурав, гурван шилдэг нэр дэвшигч тунаж үлдэх юм. Харин сүүлийн шатны шалгаруулалт 19-ний өдөр “Бэст Вестерн Премьер Туушин” зочид буудлын СОЁМБО танхимд болох бөгөөд номинаци тус бүрт шигшигдэн үлдсэн гурав, гурван нэр дэвшигчдээс онцлох шилдгийг тодруулна. Шалгаруулалтын үнэн шударга байдалд эргэлзэх ямар ч шаардлагагүй гэдгийг зохион байгуулагчид хэлж буй. Учир нь ёслолын ажиллагаанд хүрэлцэн ирсэн 200 гаруй зочин гар утсаараа sms илгээн номинаци тус бүрээс 1 шилдгийг шалгаруулах юм. Тэгэхээр эхний шатны шалгаруулалт олон нийтийн санал асуулгаар интернэт орчинд шударгаар явагдсан бол эцсийн шатны шалгаруулалт хэдхэн тооны шүүгчид гэх хүмүүсийн хүрээнээс хальсан эрүүл орчинд явагдах юм. Энэхүү арга хэмжээ нь хэдэн сайтын редакцийн хэдхэн захирал сууж байгаад шагнал хувааж авч байгаа хэрэг огт биш. Онлайн салбараа бүтнээр нь харж, улмаар нийгэмдээ нэмж гэрэл гэгээ тусгах зорилго дор зохион байгуулагдаж байгаа арга хэмжээ гэдгийг дахин тодотгоход илүүц болохгүй биз ээ.
