Монгол Улсын Ерөнхийлөгчийн зарлигаар Сэлэнгэ аймаг дахь Хөтөлийн “Цемент-шохой” ХК-ийн 30 жилийн ойг тохиолдуулан тус үйлдвэрийг Алтан гадас одонгоор шагналаа. Монгол Улсын Ерөнхийлөгчийн Тамгын газрын дарга П.Цагаан өнөөдөр Хөтөлийн “Цемент-шохой” ХК-д хүрэлцэн очиж байгуулллагынх нь туганд Алтан гадас одонг зүүж өгсөн юм.Ерөнхийлөгчийн зарлигт “Хөтөлийн “Цемент-шохой” ХК-ийн 30 жилийн ойг тохиолдуулан тус үйлдвэрийн хамт олны олон жилийн хөдөлмөр зүтгэлийг өндрөөр үнэлж Сэлэнгэ аймаг дахь Хөтөлийн “Цемент-шохой” ХК-ийг Алтан гадас одонгоор шагнасугай” гэжээ.
Шагнал гардуулах ёслолын үеэр Ерөнхийлөгчийн Тамгын газрын дарга П.Цагаан хэлсэн үгэндээ “Юуны өмнө энд хуран цугласан та бүгдийнхээ энэ өдрийн амар амгаланг айлтгаж айсуй 2014 оны шинэ жилийн мэндийг дэвшүүлье.
Монгол Улсын Ерөнхийлөгчийн зарлигаар Хөтөлийн “Цемент-шохой” ХК-ийг төрийн дээд одон-Алтан гадас одонгоор шагналаа. Энэхүү хүндтэй шагналыг гардуулах завшаан олдсонд их баяртай байна. Энэ өндөр шагнал бол тус үйлдвэрт хүч хөдөлмөр, амьдралаа зориулсан үе үеийн ахмад ажилтнууд, одоо ажиллаж байгаа хүмүүсийн хөдөлмөрийн үр дүн гэдэг нь ойлгомжтой. Тиймээс энэ үйлдвэрт 30 гаруй жил ажилласан, одоо ажиллаж байгаа бүх хүмүүс, тэдгээрийн ойр дотнын хүмүүст чин сэтгэлийн халуун баяр хүргэж байна. Энэ бол та бүгдийн шагнал юм шүү.
Нөгөө утгаараа өнөөдрийн энэ шагнал бол одоо ажиллаж байгаа болон ирээдүйд ажиллах хүмүүсийн их ажил үйлсийн урмыг тэтгэсэн, бас хариуцлагыг өндөржүүлсэн, хийх ажлын урьдчилгаа гэж ойлгох хэрэгтэй.
Аливаа бүтээн байгуулалтад хүний гараар бүтдэг хоёр зүйл заавал ордог. Түүний нэг нь цемент, нөгөө нь төмөр, төмөрлөгийн үйлдвэрийн ган хийц. Дээр нь ус хэрэгтэй. Усыг хүн үйлдвэрлэдэггүй. Хүний гараар заавал бүтдэг хоёр зүйлийн нэг нь та бүгдийн үйлдвэрлэдэг цемент юм.
Монгол Улс өнөөдөр эрчимтэй хөгжлийн босгон дээр тулж ирээд байна. Монгол Улсад ирээдүйн 10,20,30, түүнээс хойших олон жилд баригдах бүх зам, гүүр, барилга байгууламж, бүх бүтээн байгуулалтад та бүгдийн хүч хөдөлмөр шингэсэн цемент, шохой орно. Тийм учраас та бүхэн үйлдвэрээрээ, ажил үйлсээрээ үнэхээр бахархах хэрэгтэй. Та бүхэнд дахин чин сэтгэлийн баяр хүргэе.
Өнгөрсөн хугацаанд зах зээлийн эдийн засагт шилжихтэй холбоотойгоор технологи, боловсон хүчний шинэчлэл, янз бүрийн хямрал бэрхшээл саад олон тохиолдсон байх. Энэ бүгдийг та бүхэн даван туулж өнөөдөр шинэ захирал ажлаа авч байгаа бэлгэ дэмбэрэлтэй үйл явдал болж байна. Ирэх 30 жилд их амжилт олох байх. Миний мэдэж байгаагаар Сэлэнгэ аймаг, ялангуяа Хөтөлд Монгол Улсын дөрвөн зүг, найман зовхисоос ирсэн хүмүүс ажиллаж амьдардаг. Интернациональч гэдэг шиг эндээс Монголын дүр зургийг харж болно. Ийм учраас та бүхэн урьдынхаасаа илүү эв нэгдэл, эв найртай, бие биенээ дэмжиж нэг сэтгэлтэй байж, Монгол Улсын үр сад гэдгээ харуулцгаая.
Монгол Улс одоо хөгжлийн гайхамшгийг харуулах гэж байна. Өнгөрсөн 20 жилд ардчилал, зах зээл рүү шилжсэн бол ирэх 20 жилд Монгол Улс хөгжлийн гайхамшгийг үзүүлэх гэж хичээж байна. Түүнд хүрэхэд та бүгдийн хичээл зүтгэл, хариуцлагатай ажил, ухамсартай хөдөлмөр, та бүгдийн үйлдвэрлэж гаргах цемент, шохой онцгой үүрэгтэй юм. Манай улсад олон үйлдвэр аж ахуйн газрын 30 битгий хэл 50,60, 70,80,90 жилийн ой болж байна. Гэхдээ маш цөөхөн үйлдвэр, аж ахуйн газрыг Монгол Улсын Ерөнхийлөгчийн зарлигаар шагнасан. Эдгээрийн тоонд Эрдэнэт үйлдвэр, IY цахилгаан станц, Хөтөлийн “Цемент-шохой” ХК орж байгаа юм. 30 жилийн настай харьцангуй залуу үйлдвэрийг ингэж өндрөөр үнэлж байгаа нь цаанаа улс төр, эдийн засгийн олон гүн гүнзгий утга учиртай юм. Тийм учраас та бүхэнд их найдаж байгаа шүү. Та бүхэнд дахин шинэ оны мэнд хүргэж шинэ ондоо төрлөөрөө түмэн амгалан, элгээрээ энх амгалан, сайн сайхан байхын өлзийтэй ерөөлийг өргөн дэвшүүлье. Та нарт их баярлалаа” гэлээ.
Мөн энэ үеэр Монгол Улсын Ерөнхийлөгчийн зарлигаар Хөтөлийн “Цемент-шохой” ХК-ийн засварчин Г.Батбаяр, токарьчин Ө.Баярдаваа, засварчин Д.Буянбадрах, цехийн дарга Б.Дашзэвэг нарыг Алтан гадас одонгоор, өрмийн машинч Г.Баттулга, жолооч Л.Цогтгэрэл, засварчин Б.Чулуунбат, химич инженер Ц.Энхцэцэг нарыг Хөдөлмөрийн хүндэт медалиар шагнасныг Монгол Улсын Ерөнхийлөгчийн Тамгын газрын дарга П.Цагаан гардуулан өгөв.
Хөтөлийн Цемент шохойн үйлдвэр 1983 онд байгуулагдсан цагаасаа эхлэн өндөр бүтээмжтэй ажиллаж, 1988-1989 онуудад тус бүр 500 мянган тонн цемент үйлдвэрлэн, төслийн хүчин чадалдаа гуравхан жилийн дотор хүрсэн нь залуу хамт олны хөдөлмөрийн том амжилт байжээ.
Үйлдвэр ашиглалтад орсон анхны жилүүдэд цементийн үйлдвэрийн төслийн хүчин чадлыг 100-100,2 хувь ашиглаж, улмаар Монгол Улс зах зээлийн харилцаанд шилжсэн шилжилтийн хүнд хэцүү он жилүүдэд үйлдвэрлэлийн хэмжээ ихээхэн буурсан хэдий ч зах зээлийн шуурганд хаалгаа бариагүй барилгын материалын цөөхөн үйлдвэрүүдийн нэг нь Хөтөлийн Цемент-шохой” ХК байсныг шагнал гардуулах үеэр үйлдвэрийн удирдлагууд дурдаж байлаа. Энэ нь тус үйлдвэрийн хамт олны идэвхи зүтгэл, хүчин чармайлт, нөр их хөдөлмөрийн үр дүн, гавьяа юм.
Өнгөрсөн 30 жилийн хугацаанд тус үйлдвэр 4,2 сая тонн цемент, 1,2 сая тонн шохой үйлдвэрлэн Монгол Улсынхаа бүтээн байгуулалтад нийлүүлж, Хөтөл хотын оршин суугчид, төр, төсвийн байгууллагуудад 2,4 сая Гигакалори дулааны эрчим хүч ханган нийлүүлсэн байна.
Тэдний үйлдвэрлэсэн цементээр Улаанбаатар хотын 1, 10, 11,13, 21 дүгээр бичил хороолол, Москва хороолол, Багануур, Дархан, Эрдэнэтийн орон сууцны зарим хороололууд, Чингис зочид буудал, Буянт-Ухаа нисэх онгоцны буудлын шинэ терминал, Бөхийн өргөө, Төрийн ёслол хүндэтгэлийн өргөө, Маршалын гүүр зэрэг томоохон барилга байгууламжуудыг барьж байгуулснаас гадна сүүлийн үеийн орон сууцны томоохон хороололууд, нийгэм ахуйн болон сургууль цэцэрлэгийн олон барилгуудыг барьж байгуулжээ. Мөн төмөр замын бетон дэр, төмөр замын гүүр хоолой, нүхэн гарцын хийцүүд, Дархан Эрдэнэтийн авто зам, Эрдэнэт Булганы болон бусад авто замын байгууламжуудын бетон хоолойн хийцүүдийг манай үйлдвэрийн тусгай зориулалтын өндөр маркийн цементээр бүтээн байгуулсан нь манай хамт олны бахархал юм.
Байгуулагдсан цагаасаа эхлэн улс орны төсөв, санхүүгийн гол бүрдүүлэгч Эрдэнэт үйлдвэрийг технологийн хэрэгцээний шохойгоор тасралтгүй хангаж жилээс жилд чанарын шаардлагад нь нийцүүлж, шохойн идэвхжилийн үзүүлэлтийг дээшлүүлж ирсэн бөгөөд сүүлийн жилүүдэд барилгын хөнгөн бетоны үйлдвэрлэлийн болон төмөрлөг, алтны үйлдвэрлэлийн хэрэгцээт шохойн үйлдвэрлэлтийн хэмжээг нэмэгдүүлж ирсэн Хөтөлийн “Цемент-шохой” ХК-ийн түүхийн шинэ хуудас өнөөдрөөс эхэлж, шинэ захирал Г.Батдорж ажлаа хүлээн авсан юм.
Хөтөлийн Цемент шохойн үйлдвэр 1983 онд байгуулагдсан цагаасаа эхлэн өндөр бүтээмжтэй ажиллаж, 1988-1989 онуудад тус бүр 500 мянган тонн цемент үйлдвэрлэн, төслийн хүчин чадалдаа гуравхан жилийн дотор хүрсэн нь залуу хамт олны хөдөлмөрийн том амжилт байжээ.
Үйлдвэр ашиглалтад орсон анхны жилүүдэд цементийн үйлдвэрийн төслийн хүчин чадлыг 100-100,2 хувь ашиглаж, улмаар Монгол Улс зах зээлийн харилцаанд шилжсэн шилжилтийн хүнд хэцүү он жилүүдэд үйлдвэрлэлийн хэмжээ ихээхэн буурсан хэдий ч зах зээлийн шуурганд хаалгаа бариагүй барилгын материалын цөөхөн үйлдвэрүүдийн нэг нь Хөтөлийн Цемент-шохой” ХК байсныг шагнал гардуулах үеэр үйлдвэрийн удирдлагууд дурдаж байлаа. Энэ нь тус үйлдвэрийн хамт олны идэвхи зүтгэл, хүчин чармайлт, нөр их хөдөлмөрийн үр дүн, гавьяа юм.
Өнгөрсөн 30 жилийн хугацаанд тус үйлдвэр 4,2 сая тонн цемент, 1,2 сая тонн шохой үйлдвэрлэн Монгол Улсынхаа бүтээн байгуулалтад нийлүүлж, Хөтөл хотын оршин суугчид, төр, төсвийн байгууллагуудад 2,4 сая Гигакалори дулааны эрчим хүч ханган нийлүүлсэн байна.
Тэдний үйлдвэрлэсэн цементээр Улаанбаатар хотын 1, 10, 11,13, 21 дүгээр бичил хороолол, Москва хороолол, Багануур, Дархан, Эрдэнэтийн орон сууцны зарим хороололууд, Чингис зочид буудал, Буянт-Ухаа нисэх онгоцны буудлын шинэ терминал, Бөхийн өргөө, Төрийн ёслол хүндэтгэлийн өргөө, Маршалын гүүр зэрэг томоохон барилга байгууламжуудыг барьж байгуулснаас гадна сүүлийн үеийн орон сууцны томоохон хороололууд, нийгэм ахуйн болон сургууль цэцэрлэгийн олон барилгуудыг барьж байгуулжээ. Мөн төмөр замын бетон дэр, төмөр замын гүүр хоолой, нүхэн гарцын хийцүүд, Дархан Эрдэнэтийн авто зам, Эрдэнэт Булганы болон бусад авто замын байгууламжуудын бетон хоолойн хийцүүдийг манай үйлдвэрийн тусгай зориулалтын өндөр маркийн цементээр бүтээн байгуулсан нь манай хамт олны бахархал юм.
Байгуулагдсан цагаасаа эхлэн улс орны төсөв, санхүүгийн гол бүрдүүлэгч Эрдэнэт үйлдвэрийг технологийн хэрэгцээний шохойгоор тасралтгүй хангаж жилээс жилд чанарын шаардлагад нь нийцүүлж, шохойн идэвхжилийн үзүүлэлтийг дээшлүүлж ирсэн бөгөөд сүүлийн жилүүдэд барилгын хөнгөн бетоны үйлдвэрлэлийн болон төмөрлөг, алтны үйлдвэрлэлийн хэрэгцээт шохойн үйлдвэрлэлтийн хэмжээг нэмэгдүүлж ирсэн Хөтөлийн “Цемент-шохой” ХК-ийн түүхийн шинэ хуудас өнөөдрөөс эхэлж, шинэ захирал Г.Батдорж ажлаа хүлээн авсан юм.
Сэтгэгдэл (3)