Шинэ он гарахад гуравхан хоног үлдлээ. Хүн бүхэн сэтгэл догдлон хүлээж буй энэхүү баярыг гоёл чимэглэлээ зүүсэн сүлд модгүйгээр төсөөлөх аргагүй. Албан байгууллага, айл өрх бүр аль хэдийн гацуураа зассан энэ л үед 24tsag.mn сайт энэ жилийн хамгийн өвөрмөц басхүү сонирхолтой гацууруудыг нэрлэж байна.
Ажлын зав чөлөөгөөр эмч бүсгүйчүүдийн урласан эгдүүтэй хэрнээ айдас төрүүлэм гацуур. Бас ч гэж сэтгэсэн байгаа юм шүү.
Номонд дуртай хүмүүст зориулав.
Шилнүүд нь бүрэн байсан бол гацуур төрхөө алдахааргүй л байх байж. Гэхдээ яахав ээ сэтгэсэн байна.
Хаа сайгүй байдаг улиасхан ийнхүү үлгэрт гардаг сүрлэг гацуур болжээ.
Нийслэлийн сүлд мод яагаад энэ дунд явж байгааг гайхах хүн байгаа биз. Энэ жилийн хамгийн өндөр гацуураар төв талбайн гацуур орсноор ийнхүү манай жагсаалтанд бичигдэж байгаа юм.
Энэ жил хамгийн өвөрмөц чимэглэсэн гацуурын эздээр Дэлхийн аварга, Гавьяат тамирчин Х.Цагаанбаатар, О.Гүндэгмаа нар шалгарч байна. Тэд энэ жил ихрүүдээр бүл нэмж, хоёр хүү, хоёр охинтой өнөр айл гэр болсон бөгөөд энэ жил хүртсэн медалиудаараа сүлд модоо чимэглэсэн юм.
Хамгийн сүүлд энэхүү жагсаалтад зүй ёсоор орох ёстой гацуур бол УИХ-ын гишүүн С.Бямбацогтын “улстөрч” гацуур билээ. Тэрээр өөрийнхөө өрөөний үүдэнд гацуур мод засч, түүнийгээ өргөн хэрэглээний барааны үнийг энэ оны долдугаар сарын болон өнгөрөгч арваннэгдүгээр сарын үнэтэй харьцуулсаныг хадсан зургаар чимэглэсэн юм. Тэрээр үүнийгээ "Эдгээр тоо баримт бол эрх баригчдын ард түмэндээ барьж байгаа энэ оны “бэлэг” юм" хэмээн тайлбарлаж байгаа.
24tsag.mn
Сэтгэгдэл (2)