Өмнөд Суданд армийн цэргүүд болон тэмцэгчдийн хооронд мөргөлдөөн гарч 1000 гаруй хүн нас барсан тухай бид мэдээлж байсан. Одоогоор энэ мөргөлдөөн түр хугацаанд намжаад байгаа юм.
Бараг л иргэний дайн шиг энэ цус асгаруулсан үйл явдал Нийслэл Жуба хотод ерөнхийлөгч Садва Кирийг засгийн эрхээс түлхэж, төрийн эргэлт гаргах гэсэн оролдлогоос үүдэлтэй юм. Тодруулбал, энэ сарын эхээр тус улсын сангийн сайд зэрэг улс төрийн 10 өндөр албан тушаалтыг баривчилсанаас энэхүү эсэргүүцэл эхэлжээ. Өөрөөр хэлбэл, засгийн эрхийн төлөө тэмцэл, үндэстэн хоорондын мөргөөлдөөний улмаас жирийн иргэд амь насаа алдсаар байгаа юм.
Ийн мөргөлдөөн нийслэл Жуба хотоос газар авч, улс орон даяар тархжээ. Энэ үймээний улмаас АНУ шуурхай ажиллагаанд оролцоогүй элчин сайдын яамны ажилтнуудыг яаралтай Өмнөд Суданаас гаргасан байдаг. Мөн мөргөлдөөнөөр Энэтхэгийн гурван энхийг сахиулагч амиа алдсан юм.
Улмаар Өмнөд Суданы хямралын бүсэд амьдарч буй 80 мянга гаруй хүнийг нүүлгэн шилжүүлж, тэн хагаст нь хоргодох байр гаргаж өгөх шаардлагатай байгаа юм. Харин НҮБ-аас энхийг сахиулагчдаа 7000-12000 болгон нэмэгдүүлжээ. Мөн 121 мянган хүн орон гэрээсээ дайжиж, гэр бүлээ аврахын төлөө тэмцэж байна.
Тэгвэл энэ байдлаас улбаалж энхийг сахиулах ажиллагаанд хүүгээ, ахаа, ханиа үдсэн манай улсын иргэд түгшиж эхэллээ. Мөргөлдөөний гол цөмд байгаа энхийг сахиулагчид яаж байгаа бол, тэдэнд Засгийн газар, Зэвсэгт хүчнийхнээс хэрхэн анхаарал хандуулж байгаа бол хэмээн түгших иргэдийн тоо олширлоо.
Мөн зарим иргэд “АНУ хүртэл яамныхаа ажилчдыг татаад байхад манай улс цэргүүдээ татаж болохгүй юм байх даа” хэмээн халаглаж сууна.
Манай улсын зэвсэгт хүчний цэргийн алба хаагчид олон улсын энхийг сахиулах ажиллагаанд оролцоод 11 жил болж байгаа. Одоогоор Судан, Өмнөд Судан, Афганистан, Бүгд найрамдах ардчилсан Конго, Баруун Сахар гэсэн улсуудад 1300 орчим цэргийн албан хаагч үүрэг гүйцэтгэж байна. Мөргөлдөөний улмаас НҮБ энхийг сахиулагчдын тоог нэмсэн. Тэгвэл олон улсын цэргийн ажиллагаа НҮБ-аас их хамааралтай байдаг учир манай улс ч цаашдаа Өмнөд суданд үүрэг гүйцэтгэх асуудал нэлээд үргэлжлэх төлөвтэй байгаа юм. Юутай ч хүндхэн нөхцөлд байгаа цэргүүдийнхээ талаарх мэдээллийг цаг алдалгүй олон түмэнд хүргэж, тусламж үйлчилгээг ч нэн даруй үзүүлэх хэрэгтэй байна.
Бараг л иргэний дайн шиг энэ цус асгаруулсан үйл явдал Нийслэл Жуба хотод ерөнхийлөгч Садва Кирийг засгийн эрхээс түлхэж, төрийн эргэлт гаргах гэсэн оролдлогоос үүдэлтэй юм. Тодруулбал, энэ сарын эхээр тус улсын сангийн сайд зэрэг улс төрийн 10 өндөр албан тушаалтыг баривчилсанаас энэхүү эсэргүүцэл эхэлжээ. Өөрөөр хэлбэл, засгийн эрхийн төлөө тэмцэл, үндэстэн хоорондын мөргөөлдөөний улмаас жирийн иргэд амь насаа алдсаар байгаа юм.
Улмаар Өмнөд Суданы хямралын бүсэд амьдарч буй 80 мянга гаруй хүнийг нүүлгэн шилжүүлж, тэн хагаст нь хоргодох байр гаргаж өгөх шаардлагатай байгаа юм. Харин НҮБ-аас энхийг сахиулагчдаа 7000-12000 болгон нэмэгдүүлжээ. Мөн 121 мянган хүн орон гэрээсээ дайжиж, гэр бүлээ аврахын төлөө тэмцэж байна.
Манай улсын зэвсэгт хүчний цэргийн алба хаагчид олон улсын энхийг сахиулах ажиллагаанд оролцоод 11 жил болж байгаа. Одоогоор Судан, Өмнөд Судан, Афганистан, Бүгд найрамдах ардчилсан Конго, Баруун Сахар гэсэн улсуудад 1300 орчим цэргийн албан хаагч үүрэг гүйцэтгэж байна. Мөргөлдөөний улмаас НҮБ энхийг сахиулагчдын тоог нэмсэн. Тэгвэл олон улсын цэргийн ажиллагаа НҮБ-аас их хамааралтай байдаг учир манай улс ч цаашдаа Өмнөд суданд үүрэг гүйцэтгэх асуудал нэлээд үргэлжлэх төлөвтэй байгаа юм. Юутай ч хүндхэн нөхцөлд байгаа цэргүүдийнхээ талаарх мэдээллийг цаг алдалгүй олон түмэнд хүргэж, тусламж үйлчилгээг ч нэн даруй үзүүлэх хэрэгтэй байна.
24tsag.mn
Сэтгэгдэл (7)