Шинэ жилийн баяр дуусахтай зэрэгцэн хаврын тэргүүн сарын шинийн нэгэн буюу Цагаан сарын баярын бэлтгэл ажил эхэлдэг билээ. Энэ жилийн хувьд цагаан сарын шинийн нэгэн энэ сарын 31-ны өдөр тохиож байгаа учраас баярын уур амьсгал хэдийн орж тавгийн боов, хонины ууц эрт зарагдаад эхэлжээ. Иймээс 24tsag.mn сайт цагаан сараар хэрэгцээ шаардлага нь огцом нэмэгддэг зарим хүнсний бүтээгдэхүүний үнийн судалгааг хийлээ.

   Хонины ууц 500 мянгад хүрлээ

  Баярын гол зоог хонины ууц энэ жил дахин үнээ нэмсэн байна. Тодруулбал, "Хүчит шонхор" захын махны ченжүүд ууцаа 200-500 мянган төгрөгийн хооронд худалдаалж байгаа юм. Жижиг ууц 200 мянган төгрөг бол тарган, том ууц 500 мянга буюу түүнээс дээш үнэтэй байна. Наймаачдын хэлж буйгаар 500 мянган төгрөгийн ууц авах хүмүүс их байгаа гэнэ. Малчид өглөө эртлэн ченжүүдэд ууц болон махаа зардаг. Энэ үеэр иргэд малчдын гар дээрээс арай хямд үнээр ууц авах боломж байгаа аж. Харин ченжүүдэд очсон тохиолдолд дор хаяж 50-100 мянган төгрөгөөр үнэ нь нэмэгдэж байгаа юм байна.

Түүнчлэн бууз, баншинд хэрэглэгдэх махны үнийг дараах хүснэгтээс харж болно.
Шар тос, ээзгий, зөөхий гурав ижил үнэтэй буюу 6000 мянган төгрөг

   Цагаа идээны үнэ хаана, хэн үйлдвэрлэснээсээ шалгаалж өөр өөр байна. Тодруулбал, ааруул кг нь 6500-8000 мянган төгрөг, хорхой ааруул 6000-7000 мянган төгрөгийн хооронд хэлбэлзэж байна. Харин  ээзгий, шар тос, зөөхий зэргийн үнэ ижил буюу нэг кг 6000 мянган төгрөгний үнэтэй байлаа. Цагаан идээн дундаа шинэ бяслаг хамгийн үнэтэй буюу нэг кг нь 10000 төгрөгөөр  худалдаалагдаж байсан бол аарц хамгийн хямд буюу кг нь 1800-2000 мянган төгрөгний үнэтэй байна.

Монгол гурил дахиад л гологдов

   Өнгөрсөн жилийн цагаан сараар иргэд монгол гурилаа илтэд голсон. Учир нь "Алтантариа, Улаанбаатар"-ын дээд гурил бууз хийхэд түүхийрдэг, бараан өнгөтэй болдог гээд багагүй шүүмжлэл дагуулсан. Энэ байдал өнөө жил ч дахин давтагдах бололтой. Тодруулбал, иргэд монгол биш "Цесна", "Алейка" гэсэн орос гурил ихээр худалдан авч байв. Үүнийг нь ч гурилын ченжүүд овжиноор ашиглаж орос гурилын үнээ бага зэрэг өсгөсөн харагдана. Шинэ жилийн өмнө "Цесна" гураил нэг кг нь 1500 төгрөг байсан бол долоон хоногийн дотор 300 төгрөгөөр нэмэгджээ. Баяр дөхөх тусам үнэ нь нэмэгдэнэ гэдгийн худалдаачид хэлж байн. Өнгөрсөн жил энэ "Цесна" 2000 төгрөгийн үнэтэй байсан билээ. Ингээд зарим гурилын үнийг хүснэгтээр үзүүлье.