Нийслэлийн прокурорын газраас Гэмт хэргээс урьдчилан сэргийлэх ажлын хүрээнд олон талт үйл ажиллагааг зохион явуулж байгаа бөгөөд эдгээрийн нэг болох чухал үйл явдал өнөөдөр тохиолоо.

Хуулийн байгууллага тэр дундаа прокурорын байгууллагын хувьд гэмт хэргийн талаар болон бусад мэдээ мэдээллийг хэвлэл мэдээллийн байгууллагад  тэр бүр өгдөггүй, иргэдэд нээлттэй бус байдаг гэсэн шүүмжлэл нийгэмд байгааг анхааран үзэж  2014 оноос эхлэн хэвлэл мэдээллийн байгуулагуудтай хамтран ажиллах тал дээр анхаарал хандуулхаар болсон байна.

 Тиймээс энэ ажлын хүрээнд өнөөдөр Нийслэлийн прокурор Б.Бат-Орших Монголын сэтгүүлчдийн эвлэлийн ерөнхийлөгч Б.Галааридтай уулзаж энэ талаар ярилцаад хамтын ажиллагааны эхлэл суурь болсон санамж бичигт гарын үсэг зурсан юм.

Энэ мөчид тэдний сэтгэгдлийг сонслоо.

Нийслэлийн прокурор Б.Бат-Орших

-Мэдээлэл мэдээлэл өгөх тал дээр үргэлж хаалттай байдаг гэсэн шүүмжлэлийг сонсож байдаг хуулийн байгууллага тэр дундаа прокурорын байгууллага үйл ажиллагаагаа сэтгүүлчдэд нээлттэй болгож байна. Мэдээж төлөвлөсөн ажил их байгаа байх?

 - Өнөөдрийн арга хэмжээ маш чухал зүйл боллоо. Гэхдээ өмнө нь тийм ч их хаалттай байсан гэдэгтээ бас санал нийлэхгүй байна. Тодорхой мэдээллүүдийг бид өгдөг байсан. Харин шалгагдаж байгаа хэрэг гэдэг бол өөрөө нууцлалтай байдаг учраас задруулах хэмжээ хязгаар бага байдаг л даа.

Бид ийнхүү нээлттэй болгож байгаагийн гол санаа бол бодитой үнэн мэдээллийг шуурхай өгдөг байя гэж байгаа юм шүү дээ. Иргэдийн мэдээлэл олж авах эрхийг хангая,  сэтгүүлчид маань ч гэсэн бидний өгсөн мэдээллээр дамжуулж ард иргэдийн соёл ухамсарийг дээшлүүлж байгаасай гэж өнөөдөр энэхүү санамж бичигт гарын үсэг зурж байна.

Төлөвлөсөн ажил их байна. Гэхдээ юун түрүүнд бидний мэдээллийг цааш үнэн бодитойгоор дамжуулах үүрэг бүхий сэтгүүлчдийнхээ эрх зүйн мэдлэгийг дээшлүүлэх шаардлага байгаа учраас санамж бичигт тусгагдсаны дагуу энэ чиглэлээр бодитой ажлуудыг хийхээр төлөвлөөд байна.

МСЭ-ийн ерөнхийлөгч Б.Галаарид

-Энэ мэдээлэл хэвлэл мэдээллийн байгуулагын бүхий л ажилчдад таатай сонсогдож байгаа байх. Ер нь сэтгүүлчдийн зүгээс хууль хяналтын байгууллагын талаар ярьдаг олон асуудал байдаг байх л даа. Тиймээс та энэхүү санамж бичигт гарын үсэг зурсанаар биелэгдээсэй гэж бодож байгаа хамгийн эхний гол асуудал юу байна?

 - Өнгөрсөн туршлагаас харахад сэтгүүлчид хуулийн байгууллагаас мэдээ олж авахыг хүсдэг ч хуулийн байгууллагын хувьд янз бүрийн шалтаг шалтгаанаар өгөхөөс татгалздаг бодит дүр зураг байдаг байсан.

 Гэтэл өнөөдөр Нийслэлийн прокурорын газраас санаачлага гаргаж иргэдийн мэдэх эрхийг дээдлэж, хэвлэл мэдээллийн хэрэгсэл, сэтгүүлчдийн мэдээлэл олж нөхцлийг бүрдүүлж нээлттэй байдлыг зарлан түүнийгээ мэргэжлийн байгууллага болох “Монголын сэтгүүлчдийн эвлэл”-тэй албан ёсоор баталгаажуулж санамж бичигт гарын үсэг зурсан нь маш чухал үйл явдал боллоо.

Энэ үйл явдалд бидний зүгээс хандах хариуцлага бол сэтгүүлчдийг мэргэжлийн ёс зүйтэй байх, олж авсан мэдээллээ ямар нэг ашиг сонирхолын үүднээс гуйвуулахгүй байх тал дээр хатуу шаардлага тавьж ажиллана.

Нэгэнт бид хуулийн байгууллагтай мэдээлэл өгөөч гэж хөөцөлдөх шаардлаггүй боллоо. Шинэчлэлийн засгийн газрын нээлттэй бодлогын нэг бүрэлдэхүүн хэсэг ийнхүү биелэлээ олж байгаад би маш их ач холбогдол өгч байна.

Д.Ундрах /24tsag.mn/