Орхон аймгийн прокурорын газарт Монгол Улсын Ерөнхий Прокуророос 2012 оны 11-р сарын 28-ны өдөр МШАТХяналтын ажлыг шалгаад өгсөн “Ажил сайжруулах” тухай 1/01 тоот албан даалгаврын мөрөөр удирдлага, зохион байгуулалтын тодорхой арга хэмжээнүүдийг авч ажилласны үр дүнд энэ хяналтын ажилд чанарын өөрчлөлт гарчээ.

Тухайлбал

1.Улсын яллагчийн болон прокурорын эсэргүүцэл бичилтийг сайжруулах, түүний биелэлтийг дээшлүүлэхэд аймгийн прокуророос онцгой анхааран ажиллаж шүүхийн тогтоол, захирамжийг хяналтын прокурорын хамт зэрэгцэн хянаж, прокуроруудаас бичиж буй эсэргүүцлийн үндэслэлийг нэг бүрчлэн хянах зэрэг удирдлага зохион байгуулалтын арга хэмжээ авч хэрэгжүүлсний дүнд 2012 онд 6 эсэргүүцэл бичсэнээс 5 нь биелж эсэргүүцлийн биелэлт 83.3 хувьтай байсан бол 2013 онд 15 эсэргүүцэл шүүхээр хэлцэгдэн 100 хувь биелсэн нь эсэргүүцэл бичилт 2.5 дахин, биелэлт 17.3-иар тус тус өсөж, түүнчлэн шүүхийн алдааг зөвтгүүлэхээр  4 эсэргүүцэл бичсэн нь биелсэн байна.

2. 2012 онд нийт эцэслэн шийдвэрлэсэн хэргийн 114 хэрэгт буюу 19.9 хувьд нь хугацааг сунган шалгаж байсан бол 2013 онд эцэслэн шийдвэрлэсэн 604 хэргийн 531 буюу 87.9 хувийг хуулийн үндсэн хугацаанд нь шийдвэрлэсэн нь урд оноос 7.8 хувиар буурчээ.

3. Прокуроруудын хэрэг нэг бүрийн ажиллагаанд заавал танилцаж даалгавар бичиж байх үүрэг өгч биелэлтийг тооцон ажилласнаар 2013 онд бичсэн даалгаврын 64.6 хувийг ажиллагааны явцад бичсэн даалгавар эзэлж байгаа нь өмнөх онтой харьцуулахад даалгаврын тоо 91-ээр, ажиллагаанд бичсэн даалгаврын хувь 18.7 хувиар өссөн байна.

4. Гэмт хэргийн бүрэлдэхүүнгүй үндэслэлээр хэрэгсэхгүй болгох хэргийн тоог буруулах зорилгоор аймгийн прокуророос тушаал гарган “гэмт хэргийн бүрэлдэхүүнгүй үндэслэлээр хэрэгсэхгүй болгосон хэргийн судалгаа сар бүр гарган дүгнэлт хийж холбогдох арга хэмжээ авч ажиллах, хууль зүйн үндэслэлийг хагас бүтэн жилээр шалгах, энэ үндэслэлэээр хэрэгсэхгүй болгосон хэргийн орлогч прокурорт заавал танилцуулж гаргасан шийдвэрээ хянуулж байх” тухай журмыг батлан хэрэгжүүлж ажилласнаар 2012 онд гэмт хэргийн бүрэлдэхүүнгүй үндэслэлээр 68 хэрэг хэрэгсэхгүй болгож байсан бол 2013 онд 32 болж 1 дахин буурсан зэрэг хяналтын ажлын гол гол үзүүлэлтүүд нь өссөн амжилтаар шинэ ондоо бэлэг барьжээ.