Засгийн газраас долоо хоног бүрийн даваа гаригт зохион байгуулдаг "Бүтээн байгуулалтын цаг"-ийн ээлжит уулзалт өнөөдөр боллоо. Уг уулзалтаар Эдийн засгийн хөгжлийн сайд Н.Батбаяр ирэх жилүүдэд "Нэг хэв маягийн зураг" төслөөр баригдах барилга байгууламжуудын талаар мэдээлэл өгөв. Барилгуудыг нэг хэв маягийн зургаар барих нь чухал ач холбогдолтой гэдгийг Эдийн засгийн хөгжлийн яамны сайд Н.Батбаяр онцоллоо.
Ингэснээр улсын хөрөнгө оруулалтаар орон нутагт хэрэгжих сургууль, цэцэрлэг, эмнэлэг, соёлын төв зэрэг нийгмийн үйлчилгээний барилга, байгууламжууд бүгд нэг хэв маягийн загвартай болох юм. Энэ дагуу нийт 119 барилга байгууламжин зураг төслийг 5 тэрбум төгрөгөөр хийх юм байна. Өнгөрсөн хугацаанд орон нутагт улсын хөрөнгө оруулалтаар хэрэгжсэн болон одоо хэрэгжиж байгаа нийгмийн үйлчилгээний барилга, байгууламжууд, тухайлбал сургууль, цэцэрлэг, эмнэлэг, соёлын төвийн барилгууд нь хүчин чадлын хувьд адил төстэй мөртлөө хэтрэхий их төсөвт өртөгтэй, тэдгээрийн инженерийн хангамжийн эх үүсвэр, шугам сүлжээ нь хэтэрхий үрэлгэн, барилга бүр хажуудаа бага оврын уурын зуух, цэвэр усны худаг, ихэнх нь энгийн жорлонтой байгаа нь агаар, хөрс, ус бохирдуулах болон ялангуяа мод элбэгтэй аймгуудын ойн нөөц хорогдох, голын ундарга багасах зэрэг сөрөг үр дагавартай тул "Нэг хэв маягийн зураг" төслийг ашиглахаар болсон юм.
"Нэг хэв маягийн зураг" төслийг хэрэгжүүлснээр нэг загвар, ижил, стандарт технологийн барилга байгууламж баригдаж эхлэх ба төсөвт өртөг аймаг, сум, хот бүрт ялгаатай бус ижил түвшинд хүрэх боломж бүрдэнэ хэмээн холбогдох яамдууд үзэж байгаа аж. Мөн Нийгмийн үйлчилгээний барилгуудыг нэг хэв маягийн Техник, эдийн засгийн үндэслэл, зураг төслөөр барих нь цаг хугацаа хийгээд санхүүжилтийн хувьд хэмнэлт гарахаас гадна тухайн орон нутгийн газар зүйн байдал, хүн амын тоо, үйлдвэрлэлийн боломж зэрэгт тулгуурлан ТЭЗҮ, зураг төслийг боловсруулаад байгаа аж. Жишээлбэл 5000-аас дээш хүн амтай сумдад 280 хүүхдийн цэцэрлэг, 640 хүний суудалтай сургууль, 200 хүүхдийн дотуур байр, 22 ортой эрүүл мэндийн төв, эмийн сан, соёлын төв, спорт заал, агаарын чанарын харуулын байр болон ахуй үйлчилгээний төв зэрэг баригдах юм байна.
Салбарын яамдууд дээр зураг төслүүд хийгдэж байгаа бөгөөд ирэх хоёрдугаар сарын 15-ны өдөр гэхэд зураг төслүүдийг бэлэн болгох юм байна. Ингээд төсвийн мөнгө хувиарлагдсаны дараа тендерийг зарлах юм байна. Гэхдээ хамгийн хямд үнээр барилгыг барина гэсэн компанийг тендерт шалгаруулахгүй гэлээ. Харин тендер зарлахдаа үнээ хэлж түүнд тохирсон чанартай сайн барилга барина гэсэн компанийг тендерт шалгаруулах юм байна. Ингэх нь барилга баригдах явцдаа төсөвт өртөг нь хэд дахин өсөхөөс хамгаалж чадна гэж үзэж байгаа аж.
"Нэг хэв маягийн зураг" төслийг хэрэгжүүлснээр нэг загвар, ижил, стандарт технологийн барилга байгууламж баригдаж эхлэх ба төсөвт өртөг аймаг, сум, хот бүрт ялгаатай бус ижил түвшинд хүрэх боломж бүрдэнэ хэмээн холбогдох яамдууд үзэж байгаа аж. Мөн Нийгмийн үйлчилгээний барилгуудыг нэг хэв маягийн Техник, эдийн засгийн үндэслэл, зураг төслөөр барих нь цаг хугацаа хийгээд санхүүжилтийн хувьд хэмнэлт гарахаас гадна тухайн орон нутгийн газар зүйн байдал, хүн амын тоо, үйлдвэрлэлийн боломж зэрэгт тулгуурлан ТЭЗҮ, зураг төслийг боловсруулаад байгаа аж. Жишээлбэл 5000-аас дээш хүн амтай сумдад 280 хүүхдийн цэцэрлэг, 640 хүний суудалтай сургууль, 200 хүүхдийн дотуур байр, 22 ортой эрүүл мэндийн төв, эмийн сан, соёлын төв, спорт заал, агаарын чанарын харуулын байр болон ахуй үйлчилгээний төв зэрэг баригдах юм байна.
Салбарын яамдууд дээр зураг төслүүд хийгдэж байгаа бөгөөд ирэх хоёрдугаар сарын 15-ны өдөр гэхэд зураг төслүүдийг бэлэн болгох юм байна. Ингээд төсвийн мөнгө хувиарлагдсаны дараа тендерийг зарлах юм байна. Гэхдээ хамгийн хямд үнээр барилгыг барина гэсэн компанийг тендерт шалгаруулахгүй гэлээ. Харин тендер зарлахдаа үнээ хэлж түүнд тохирсон чанартай сайн барилга барина гэсэн компанийг тендерт шалгаруулах юм байна. Ингэх нь барилга баригдах явцдаа төсөвт өртөг нь хэд дахин өсөхөөс хамгаалж чадна гэж үзэж байгаа аж.
Т.Энхэлээ
