Хотын иргэдийн төлөөлөгчдийн хурлын дарга авгайн хүүхэд нь шөнө ресторанд орж дальжиганаж яваад зодуулчихаад гэртээ харьжээ. Ээж нь дор нь арга хэмжээ аван Улаанбаатарыг төрийн хууль цаазаар шөнийн амьдралгүй болгож орхих нь тэр. Энэ цагаас хойш гэмт хэрэг архидан согтуурах явдал манай нийслэлд байхгүй болж мөнхийн жаргал цэнгэлд умбасан уу гэвэл худлаа. Харин ч архидан согтуурал далд хэлбэрт орж гэмгүй олон хүнийг хууль бус ажиллагаа руу өөрийн эрхгүй түлхсэн юм# Баабар: Нийгмийн жоомТөрдөө 50-г тушаах уу, ахдаа 5-г тушаах гэдэг хэлц үг тамхины хууль хэрэгжүүлэгчдийн дунд дэлгэрчээ. Тамхины хууль бус найманд авч буй хувь, хувьсгалын арга хэмжээний сонголт. Ийм сонголтыг бий болгосон хууль нь тамхины хяналтын тухай хууль. Хэдийгээр зоогийн газар, ресторан, гудамж талбайд тамхи татах нь багасч, дам тамхидалтаар хохирох иргэдийн тоо буурсан ч түүнтэйгээ ижилхэн магадгүй зарим талаараа илүү хор уршгийг энэ хууль манай нийгэмд бэлэглэсэн гэж болно. Төв зам дагуух бүх ТҮЦ тамхи зардаг. Гэхдээ бас бүх ТҮЦ тамхи зардаггүй. Тамхийг өмнө нь ширхэглэн зардаг байсан бол хамгийн багадаа 2 ширхэгийг 500 төгрөгөөр зарна гэсэн болзол тулгадаг ТҮЦ-үүд хотоор нэг болжээ. Тэг цагаас хойш архи зарахгүй хуультай улсад маань тэр мөчөөс хойш архидалт эхэлдэг. Хоржоонтой ч юм шиг иймэрхүү хориг хуулийг хууль биш гууль болгож төрийн шийдвэрийн нэр хүнд, итгэлцэл чадамжийг гутаадаг нь практик эрхзүйн бичигдээгүй зарчим. Төр аливаа асуудлыг шийдэх гэж байгаа бол хяналтын дэд бүтэц, стандарт, хариуцлага гурваа тодорхой болгосон байх ёстой. Мөн аль болох бусдын эрх чөлөөнд халдахгүй, төвөг учруулахгүйгээр асуудлыг шийдэх нь ардчиллын зарчим. Гэтэл энэ зарчмыг алдагдуулагсад нь манай ардчилагчид өөрсдөө болж байна.
Гар дээрээс ширхэгийн бохь, чихэр худалдаалан амь зогоож байсан олон хүний араас орон сууцны нэг давхар түрээслэгчид, дэлгүүрийн мухарт түлхүүр олшруулагчид ажилгүйчүүдийн эгнээнд шилжих нь. НИТХ-ын 07-р тогтоолоор “Хүнсний дэлгүүр, хоол үйлдвэрлэл үйлчилгээний танхимд оёдол, түлхүүр олшруулах үйлчилгээ эрхлэх, байрны нэг давхарт билльярд байхыг хориглов” Харин орон сууцны нэг давхарт баар, кафе шинээр нээхийг хориглосныг ард иргэд талархан дэмжиж байгаа. Хүнсний дэлгүүрт хими цэвэрлэгээ, эмийн сан, таавар тоглоом ажиллуулахыг хориглох нь зөв ч нүүрс, түлээгээ гадаа зарахыг хориглох нь туйлшрал. Ийнхүү хориотой хотод маань хориг нэгээр нэмэгдэж, хоол залгуулдаг орон тоо нэгээр хасагдав. Гэвч хасагдсан орон тоо цаасан дээр бичигдэхээс амьдралд хэрэгжих нь маргаантай хэвээр.
Интернэт PC тоглоомын газруудыг оройн 19:00 цагаас хойш ажиллуулахыг хориглосныг хойд Солонгосын араас орлоо гэж зарим хүмүүс онлайнаар жиргэж байна. PC тоглогчид гэрээсээ сүлжээгээр холбогдон тоглодог болсоор үйлчилгээний газрууд цөөрч байгаа. Энэ нийтийн амьдралд төдийлөн уршиг тархигүй байгаа үйлчилгээний салбар. Амин зуулгаа боомилуулсан PC тоглоомын газрууд зохион байгуулалтанд орж жагсаж эхэлсэн байна.
Архидан согтууралтай идэвхтэй тэмцэгчдийн “ачаар” тэг цагаас хойш үйлчлэх такси баар нээгдээд удаж байна. Хуулиар хаасан баарнуудын оронд такси баарны шинэ үйлчилгээ нэвтэрч. Хүнээ зөөнгөө архи, тамхиа зардаг цэвэрхэн бизнес. Ийм хулгайн замруу түлхэгч нь төрийн “мэргэн” шийдвэр. Хориотой хотод маань хориглосон тушаал нэгээр нэмэгдлээ. Гэвч үүний ард хичнээн хүний амьжиргаа орлого тасалдаж байгаа, түүнийг орлох ажил, орлогыг тооцсон бодлого байхгүй.
Сэтгэгдэл (17)