ЮНЕСКО-оос жил бүрийн 2-р сарын 13-ны өдрийг “Дэлхийн Радиогийн өдөр” болгон тэмдэглэн өнгөрүүлэхээр тунхагласан. Энэ өдрийг ЮНЕСКО-гийн гишүүн орнууд 2012 онд анх удаа тэмдэглэсэн бөгөөд өдгөө 3 дахь жилдээ тэмдэглэглэх гэж байна. Энэ жил дэлхий нийт тус өдрийг “Жендэрийн эрх тэгш байдал: Эмэгтэйчүүдийн радио дахь эрх” уриан дор тэмдэглэхээр тогтжээ.

ЮНЕСКО-гийн Ерөнхий захирал, хатагтай Ирина Бокова илгээлтэд "Өнөөдөр Дэлхийн Радиогийн өдөртэй хамт бид дэлхий ертөнц дээрх эмэгтэй, эрэгтэй хүн бүрийн хувьд тэргүүний сонголт хэвээр байгаа хэвлэл, мэдээллийн нэгэн чухал тэмдэглэлт өдрийг тэмдэглэж байна... Энэ цаг үед ЮНЕСКО хэвлэл, мэдээллийн хэрэгслийг, орон нутгийн, цаашлаад олон улсын радио болон телестанцийг жендэрийн эрх тэгш байдал, эрэгтэй эмэгтэй хүн бүрийн эрхийг дотооддоо болон Радиогоороо дамжуулан дэмжин сурталчлахыг “Дэлхийн Радиогийн өдөр”-өөр уриалж байна" гэжээ.