Баянгол дүүргийн 16-р хороололд байрлах "Залуус" хорооллын иргэд машиныхаа тавих зогсоолгүй болж,  эрхээ зөрчүүлж байгаа талаар шүүмжлэл сонсогдож эхэллээ. Тэнд оршин суугчдын хувьд, гараж  худалдаалах үүднээс зарим нэг асуудлыг үүсгэж байна хэмээн бухимдацгааж байна. Уг нь Монгол  Улсын хуулинд заагдсаны дагуу аливаа хороолол оршин сууж байгаа оршин суугчдынхаа автомашиныг байршуулах зогсоолтой, хүүхдийн болон нийтийн эзэмшлийн талбайтай байх ёстой байтал өнөөдөр ийм ашиг сонирхолын зөрчил гаргаж байгаа байдал зүйд нийцэхгүй байгаа юм. Уг нь орчин үед тавигдаж байгаа шаардлагаар шинээр баригдаж байгаа барилга байгууламж гадна дотноо авто машины зогсоолтой байх учиртай. Гэтэл энэ байгуулалтыг бүрдүүлсэн байгууламж Улаанбаатарт хуруу дарам цөөхөн байгааг иргэд хэлж байна. Одоогоор Залуус хороололд гараж 25 саяаас худалдаалж, оршин суугчдад машин байрлуулах зогсоол гаргаж өгөхгүй байгаа аж.
Тус хорооллын хувьд давхар бүртээ 7-14 айл байрладаг. Нийтдээ 1356 айлын оршин суугчийг сүүлийн үеийн шинэлэг орон сууц хэмээн танилцуулжээ. Мөн газар доорх нэгдсэн дулаан гараж, авто машины зогсоолтой гэж оршин суугчдад байраа анх худалдахдаа рекламджээ. Гэтэл одоо доод гаражаа борлуулах гэж "чичирж" байгаа аж.