Медиа Групп ХХК-ийн Нийслэл Гайд сэтгүүлийн АПП хувилбарыг зах зээлд танилцуулах ёслол “The IVY” ресторанд 19.00 цагт болно.

“Иргэдийн шударга шүүх” ТББ-аас Үндэсний мэдээллийн төвд 11.20 цагт хэвлэлийн бага хурал хийнэ.

09.30-13.00 цагт “ЭРСДЭЛИЙН ҮЕИЙН МЭДЭЭЛЭЛ ХАРИЛЦАА” сэдэвт сэтгүүлчдэд зориулсан хагас өдрийн сургалт ХӨСҮТ-ийн 1А байрны 4 давхарын Сургалт-мэдээллийн төвд болно.

08.00-12.40 хооронд Нийслэлийн төр захиргааны тавдугаар байрны ”Иргэний танхим”-д нийслэлийн нутгийн захиргааны байгууллагуудын тендер хариуцан зохион байгуулагч ажилтнуудын уулзалт болно.

10.00 цагт Зайсан толгой дахь Зөвлөлтийн дайчдын дурсгалын хөшөө, 10.30 цагт Г.К.Жуковын хөшөөнд Оросын ”Эх орноо хамгаалагчдын өдөр”-т зориулан Монгол улсын Батлан хамгаалахын сайд Д.Бат-Эрдэнэ болон Монгол улсад суугаа ОХУ-ын элчин сайд И.К.Азизов, Монгол улсын Батлан хамгаалах яам, Зэвсэгт хүчний жанжин штабын удирдлагууд цэцэг өргөж, хүндэтгэл үзүүлнэ.

Хан-Уул дүүргийн ИТХ-аас дүүргийн ерөнхий боловсролын сургуулиудын 10, 11 дүгээр ангийн сурагчдын дунд “Тамхигүй ирээдүй” уриан дор зохион байгуулж буй сагсан бөмбөгийн “АВАРГА АНГИ” шалгаруулах тэмцээн Буянт-Ухаа спорт цогцолборт 11:00 цагт нээлтэй хийнэ.

МН мэдээллийн төвд 11.00 цагт “Ф.Шопен ба XXI зууны Монгол” олон улсын төгөлдөр хуурчдын хоёрдугаар уралдааны талаарх мэдээллийг сонирхоорой.

12.30 цагт “Найрамдал Ротаракт клуб” ТББ-аас хүүхдийн эсрэг хүчирхийллийг таслан зогсоох, бууруулах, сэргийлэх зорилгоор хэрэгжүүлж буй “МИЛКИВЭЙ” төслийн явц, төслийн хүрээнд зохион байгуулагдаж буй үйл ажиллагаануудыг танилцуулна.

13.00 цагт “Оргио” монгол тахиа олон улсын чанарын стандартын гэрчилгээ авсан талаар мэдээлэл хийнэ.