Хуучин нийгэмд Зөвлөлт, Барууныхан хэмээн үзэл бодлоороо хоёр хуваагдаж байсан. Тэгвэл Украины Крым дэхь Оросын түрэмгийлэл хүйтэн дайны үеийг санагдуулж байна хэмээн хэвлэлүүд онцолжээ. Энэ тэмцэл хэрхэн төгсөхийг хэн ч мэдэхгүй ч маш тодорхой таван зүйлийг сануулж байна.

1.    Америкчуудаас айх ямар ч үндэстэн байхгүй
Украины тэмцэл Европын холбоонд нэгтгэх хэлэлцээрт гарын үсэг зураагүй Виктор Януковичийг эсэргүүцэж эхэлсэн гэдгийг мартах болоогүй. Украинчууд авилгал, хээл хахуулиас залхаж, Оросоос хараат бус байхыг хүссэн юм. Гэвч Оросын эрх баригчид Европын холбоо, АНУ-ын шаардлагыг ойшоосонгүй. Хэдэн жилийн өмнө АНУ –ын ерөнхийлөгч Барак Обама “Башар Ассадыг түлхэн унагах ёстой” гэж хэлж байсан ч ийм зүйл болсонгүй. Мөн төрийн нарийн бичгийн дарга асан Хиллари Клинтон Египетчүүдийг буруутгаж байсан ч хэн ч тоосонгүй.
2.  Украиныг амархан эзлэх нь Путины зорилго биш
В.Путин Украины газар нутгийг бүхэлд нь эзлэхийг зорилгоо болгож байгаа. Хуучин Зөвлөлтийн бүрэлдэхүүнд багтаж байсан энэ улсыг ямар нэгэн төлөөсгүйгээр эргүүлэн авах нь түүний хүсэл биш. Тэрээр өнгөрсөн зун “Оросуудаас зөрвөл Украин эрсдэлд орно” хэмээн анхааруулж байв. Одоо түүний дараагийн нүүдэл юу байх нь тодорхойгүй.

3. Бусдыг аялдан дагавал цөмийн зэвсгээ устгасандаа харамсах болно
Энэ бол Украины хямралаас авсан хамгийн том сургамж юм. Дэлхийн хоёрдугаар дайны сүүлд нилээд их цөмийн зэвсэгтэй байсан Украин улс 1994 оны Будапештийн санамж бичгийн дагуу зэвсгээ устгасан юм. Хэрэв Украин дэлхийд гуравдугаарт орох зэвсгийн нөөцөө хадгалж байсан бол Оросууд цэргүүдээр дарангуйлж чадах байсан болов уу?

4. Олон улсын энхийн идэвхтнүүдийг бүгдийг нь дэмжих албагүй
Украины Крымийг Оросод нэгтсэний дараа зарим идэвхтнүүд Америкийг буруушааж байв. Харин нөгөө хэсэг нь Оросын цэргийн түрэмгийллийг эсэргүүцэж байв. Ийнхүү тэд мөн үзэл бодлоороо хуваагдаж, шийдвэрлэх үүрэг гүйцэтгэж чадсангүй.

5. Зөрчлийг хүчээр шийдэж болно
Зөрчил, маргааныг дипломат хэлэлцээргүйгээр шийдэж болдгийг Оросын жишээнээс харж болно. Гэвч хүчээр шийдэх боломжтойг Сири, Төв Африк, Украины жишээнээс харлаа. Харин бусдын хэрэгт оролцож байдаг Америкчуудын дараагийн алхам юу байх бол?