Өнөөдөр “Дэлхийн жорлонгийн өдөр” тохиож байна. 2012 онд Нэгдсэн үндэсний байгууллагаас жил бүрийн 11 дүгээр сарын 19-ний өдрийг “Дэлхийн жорлонгийн өдөр” болгон зарласан. Энэ өдөртэй холбогдуулан УИХ-ын гишүүн Б.Баярсайхан манай улсын хэмжээнд сургууль, цэцэрлэг, дотуур байрны нүхэн жорлонг боловсон ариун цэврийн өрөөгөөр солих ажлын явцын талаар мэдээлэл хийлээ.

НИТХ-ын Тэргүүлэгчдийн хуралдаан өнөөдөр боллоо. Хуралдаанаар нийслэлийн өмчид барилга байгууламж, хөрөнгө бүртгэн авах, гудамж нэршүүлэх тухай хэлэлцэж, Тэргүүлэгчдийн хурлын тэмдэглэлээр өгсөн үүргийн биелэлтэй танилцсан юм.

Сүхбаатар аймгийн Баруун-Урт суманд улсын болон орон нутгийн хөрөнгө оруулалтаар хийсэн бүтээн байгуулалтуудын нээлтийг өнөөдөр хийлээ.  Үүний нэг нь Баруун-Уртын таван тойргийн сүүлийнх буюу тавдугаар тойргийн сүүлийн хэсгийн бүтээн байгуулалт байв.

Иргэн бүр эрүүл мэндийн үзлэгт хамрагддаг болоход НҮБ  дэмжлэг үзүүлж, хамтран ажиллахыг хүслээ.

Монгол Улс  Оросын Холбооны Улстай дипломат харилцаа тогтоосны түүхт 100 жилийн ойг тохиолдуулан хоёр улсын хамтын ажиллагаанд олон жил үр бүтээлтэй ажиллаж, Улаанбаатар хотын хөгжил цэцэглэлтэд үнэтэй хувь нэмэр оруулж байгаа эрхэм хүмүүсийг Нийслэлийн хүндэт тэмдэг, Нийслэлийн тэргүүний ажилтан тэмдгээр шагналаа.

Нийслэлийн авто замыг халтиргаа гулгаагүй байлгах, цас орсон даруйд цэвэрлэх, иргэдийн аюулгүй зорчих нөхцөлийг бүрдүүлэх үүргийг Хот тохижилтын газар ОНӨААТҮГ хүлээдэг. Тус газрын орлогч дарга Д.Батболдоос зарим зүйлийг тодрууллаа.

Сэлэнгэ аймгийн Засаг даргаар Нацагдорж овогтой Лхагвадоржийг сонгогдлоо.

Дэлхийн байгаль хамгаалах сан (WWF)-гийн Монгол дахь хөтөлбөрийн газрын мэргэжилтнүүд, “Бөхөн хамгаалах сүлжээ” багийнхан хамтарч тооллого судалгааг 2021 оны 10 сарын 30-наас 11 сарын 8-ний өдрүүдэд хийлээ.

Гадаадын иргэн, харьяатын газрын дарга Н.Ууганбаяр байгууллагын үйл ажиллагаа,бүтэц бүрэлдэхүүн  болон  Гадаадын иргэний эрх зүйн байдлын тухай хуулийн хэрэгжилт, байгууллагын цахимжилттай холбоотой хэрэгжүүлж буй үйл ажиллагааныхаа талаар дэд сайдад танилцуулав.

Солонгост ажил хөдөлмөр эрхэлж байгаа монгол иргэдтэй холбоотой ажлын байрны дарамтанд ордог, хэт их ажлын ачаалалд өртдөг, хууль бусаар цалинг нь хасдаг, зодуулдаг, бэлгийн дарамтанд ордог, бэртэж гэмтдэг үзэгдэл олон гарсан.

Тээврийн цагдаагийн албанаас мэдээлснээр өнөө өглөөнөөс 89 осол бүртгэгдсэн байна.

Нийслэлийн хэмжээнд өрнөж буй “Шар дарцаг” аянд Сонгинохайрхан дүүргийн сургууль, цэцэрлэгүүд нэгдлээ.

АНУ болон бусад улс бага насны хүүхдүүдийг вакцинжуулж эхлээд байна. Бидний хувьд энэ асуудалд маш нягт хандах ёстой. Өнгөрсөн долоо хоногт НҮБ-ын суурин төлөөллөгч болон АНУ-ын элчин сайдтай уулзсан. Хүүхдийн вакцины асуудал дээр бид саналаа тавьчихаад байж байгаа. Гэхдээ энэ тал дээр ДЭМБ-ын саналыг үндэслэж хийнэ гэсэн бодолтой байгаа.

Форумд Азербайжан, Киргиз, Беларусь, Казакстан, Тажикистан, Узбекистан, Герман зэрэг улс орнуудын хорих байгууллагын төлөөлөл, их дээд сургуулиудын эрдэмтэн, судлаачид зэрэг 400 гаруй төлөөлөгчид оролцож байна.

Бид аль болгонд гаднаас мэргэжилтэн, ажиллах хүч авсаар байх билээ. Өөрсдийн залуусыг бэлдэх ёстой байх юм.

Нийслэлийн хэмжээнд зориулалтын бодисын нөөцийн хэмжээ 2253.5 тонн байгаа бол 583 тонн давс нөөцөлжээ. Өнгөрсөн оны өвөл хотын хэмжээнд 440 тонн давс хэрэглэж байсан. Тэгэхээр энэ оны нөөцлөлт хангалттай гэж мэргэжлийн байгууллагууд үзэж байна.

Ажиллах хүч авах гэж байгаа улс чинь шаардлагуудаа тавьдаг, тэр шаардлагуудыг зөрсөн зүйл хууль дотроо хийчихээд дараа нь ажиллах хүч гаргах болохоор хуулиа хүндэтгэхгүй бол болохгүй гэдэг түгжээнд оруулах вий.

Нийслэл Улаанбаатар хот Монгол Улсын нийт нутаг дэвсгэрийн 0.3 хувьтай тэнцэх хэмжээний газар нутагтай. Энэхүү хилийн цэсийг анх 1982 онд, БНМАУ-ын Ардын их хурлын тэргүүлэгчдийн 131 дүгээр зарлигаар тогтоож байжээ. Түүний дараа 1996 онд УИХ-ын тогтоолоор нийслэл болон дүүргүүдийн хилийн цэсийг тэлж, шинэчлэн баталсан байна.

Сүүлийн 24 цагт Covid-19-ийн 595 тохиолдол батлагдсан байна. Үүнээс нийслэл хотод 383, орон нутагт 212 тохиолдол бүртгэгджээ. Халдварын улмаас 6 хүн нас барсан бөгөөд 41-60 насны хоёр, 61-80 насны дөрвөн хүн нэн хүнд хэлбэрээр өөд болсон байна.

Болосвролын салбарт ажиллах хүчин авчрах дээр асуулт асууя. Гадны орны сайн багш нарыг авч ажиллуулая гэхээр цалин хөлс өндөр байдаг. Мөн манай улсад ажиллуулахаар авчирсан багш нарын татвар хураамж нь нилээн өндөр байдаг.  Барилгын  салбарын ажилчидтай харьцуулмааргүй байна.