-
2015 оны 9 сарын 28
ШШГЕГ-ын харьяа цагдан хорих 461 дүгээр ангид гэмт хэрэгт сэжиглэгдсэн болон ял сонсон хорих ангид хуваарилагдахаар хүлээгдэж буй иргэдийг цагдан хорьдог. Одоогоос хэдхэн жилийн өмнө ашиглалтад орсон. Энэхүү хорих ангийг ашиглалтад оруулсанаар дотор нь шүүх хуралдааны танхимыг ч шинээр байгуулсан юм. Ингэхдээ олон шүүгдэгчтэй хэрэг, онц хүнд гэмт хэргийн ялтнууд гээд хорих ангид шийдвэрлэж болох хурлуудыг шүүн тасалдаг байв. Тэгвэл уг ангиийн шүүх танхимд дахин шүүх хурал хийхгүй байх шийдвэр гарчээ.
Энэ талаар ШЕЗ-ийн Гүйцэтгэх нарийн бичгийн дарга Т.Мэндсайханаас тодрууллаа.
-Хорих 461 дүгээр ангийн шүүх танхимд дахин шүүх хурал болохгүй гэнэ. Энэ талаар тодруулахгүй юу?
-Өнгөрсөн долоо хоногт хорих 461 дүгээр ангийн шүүх танхимыг татан буулгасан. Ингэснээр энэ ангид дахин шүүх хуралдаан явагдахгүй.
-Ямар учраас татан буугдаж байгаа юм бол?
-Хүний эрхийн Үндэсний комисс, Өмгөөлөгчдийн холбоо хамтран ШШГЕГ-ын харьяа цагдан хорих 461 дүгээр ангийн шүүх танхимд шалгалт хийсэн. Шалгалтаар энэхүү шүүх танхим нь стандартын хэд хэдэн шаардлагыг хангаагүй гэсэн дүгнэлт гарсан. Тиймээс татан буулгасан. Одоо шүүх хуралдаанууд харьяа дүүргийнхээ шүүхэд болох болно.
Сануулахад, Хорих 461 дүгээр ангийн шүүх танхимд МИАТ-ын экс удирдлагуудын хэрэг, дөрөвхөн настай охиноо хөнөөсөн гэх Т.Цогт, Г.Маралмаа нарын хурал гээд олны анхаарал татсан дуулиант хэргүүд ч хэлэлцэгдэж байсан. Харин энэ сарын эхээр Ерөнхий сайд асан Н.Алтанхуягийн ахлах зөвлөх Л.Гансүхийн шүүх хурал товлогдсон ч Л.Гансүх болон өмгөөлөгчид нь хорих ангид шүүх хурлыг товлосон нь хүний эрхийг ноцтой зөрчсөн үйлдэл хэмээн гомдол гаргасан юм. Тэгвэл үүнтэй холбогдуулан Хүний эрхийн Үндэсний комисс, Өмгөөлөгчдийн холбоо хамтран ШШГЕГ-ын харьяа цагдан хорих 461 дүгээр ангийн шүүх танхимд шалгалт хийсэн аж.
-
2015 оны 9 сарын 28
АНУ-ЫН ТӨРИЙН ДЕПАРТАМЕНТИЙН ТӨЛӨӨЛӨГЧИДТЭЙ ШАШНЫ АСУУДЛААР ЯРИЛЦАВ
-
2015 оны 9 сарын 28
ШӨХТГ-аас өнөөдөр мэдээлэл хийлээ.
-
2015 оны 9 сарын 28
Нийслэлийн автозамын түгжрэлийг бууруулах, Энхтайваны гүүрний ачааллыг багасгах зорилгоор Энхтайваны гүүрний зүүн талд Дундгол дээгүүр 58 метр урт гүүрийг барьж, өнөөдөр ашиглалтад хүлээлгэн өглөө.
-
2015 оны 9 сарын 28
Нийслэлийн 376 жилийн ойг угтан хотын өнгө үзэмжийг нэмэгдүүлэх ажлыг зохион байгуулахыг үүрэг болголоо
Мэдээ, мэдээлэл Цаг үеийн мэдээ
2015-09-28 13:30:31
Нийслэлийн Удирдах ажилтнуудын ээлжит Шуурхай зөвлөлгөөний хуралдаан боллоо. Хуралдааныг нийслэлийн Засаг даргын Зам тээвэр, дэд бүтцийн асуудал хариуцсан орлогч Н.Гантөмөр удирдан явууллаа. Хуралдаанаар өмнөх хурал дээр өгсөн үүрэг даалгаврын биелэлт, нийслэлийн 9 дүүргийн 21 хоногийн нөхцөл байдлын талаар танилцуулав.
Өмнөх хуралдаан дээр өгсөн үүрэг даалгаврын биелэлт
Өвөлжилтийн бэлтгэл ажлыг ханган ажиллаж байна
2015 оны 09 дүгээр сарын 15-ны өдрөөс айл өрх, сургууль, цэцэрлэг, эмнэлгүүдийн халаалтыг өгч эхэлсэн. “Улаанбаатар Дулааны шугам сүлжээ” ТӨХК-ийн харьяаны 74 цогц төхөөрөмжтэй хэрэглэгчдээс 66 орон сууцны байр халаалтаа авсан бөгөөд “Орон сууц нийтийн аж ахуйн удирдах газар”-ын 134 УДДТ-өөс 132 дулаан дамжуулах төв халаалт өгч, УДДТ-83, 1-р хорооллын үйлчилгээний төвийн УДДТ 10-р сарын 01-ний өдөр халаалт өгөх юм. Орон сууцны 1492 барилгаас 1477 барилга халаалтаа авчээ. Нийт 47 сургууль, 76 цэцэрлэг, 21 эмнэлэг халаалтыг өгсөн бөгөөд нийслэлийн хэмжээнд халаалт 98 хувьтай байгаа юм.
Зүүн Хойд Азийн хотын дарга нарын “Хотын ногоон хөгжил” форумыг зохион байгууллаа
“Хотын ногоон хөгжил” сэдэвчилсэн хуралдааныг энэ сарын 21, 22-ны өдөр Улаанбаатар хотноо зохион байгуулж БНХАУ-ын Шэнжень, Карамай, хөлөнбуйр, Хайнань, ОХУ-ын Улаан-Үд, Элиста, БНСУ-ын Сөүл, Японы Нигата зэрэг хотын дарга орлогч, экологи, ногоон хөгжил хариуцсан ажилтнууд зэрэг нийт 8 хотын 40 төлөөлөгч, Дэлхийн банк, Азийн сан зэрэг 17, Олон улсын байгууллагын 30 төлөөлөгч, нийт гадаадын 80 гаруй төлөөлөгч оролцлоо. Форумын уулзалтаас Зүүн Хойд Азийн хотууд хамтран илгээлт гаргаж ирэх 12 дугаар сард Парис хотноо болох НҮБ-ын чуулга уулзалтад хүргүүлэхээр шийдвэрлэсэн.
Нийслэлийн 376 жилийн ойг угтсан ажлын хүрээнд зохион байгуулж байгаа болзолт уралдаануудыг дүгнэх ажлыг зохион байгууллаа
Нийслэлийн Засаг даргын Захирамжийн дагуу Улаанбаатар хотын 376 жилийн ойг угтан нийслэлийн 2015 оны “Шилдэг тохижилт, ногоон байгууламжтай цэмцгэр байгууллага, аж ахуйн нэгж” шалгаруулах болзолт уралдааныг 6 сарын хугацаанд зохион байгуулж явуулсан. Шилдгээр шалгарсан аж ахуй нэгж, байгууллагуудад шагнал гардуулах ёслол хүндэтгэлийн арга хэмжээг энэ сарын 25-ны өдөр Чингисийн нэрэмжит талбайд зохион байгуулж, нийт 28 номинацид 77 байгууллага аж ахуй нэгж, иргэнийг шалгаруулж, идэвхи санаачлагатай оролцсон 10 байгууллагыг тусгай байр эзлүүлж нийт 385 сая төгрөгөөр шагнаж урамшууллаа.
Хотын төв гудамж, гэр хороолол дундах гудамж, талбайн гэрэлтүүлгийн асалтад ажлын хэсэг байгуулж хяналт шалгалтын ажлыг зохион байгуулав
Өвөлжилтийн бэлтгэл ажлын хүрээнд Эрчим хүчний гудамжны дэд станцыг шилжүүлэх 10 сая төгрөгний ажил, Баянгол дүүргийн Дэлүү хутагтын гудамжинд гэрэлтүүлгийн тэжээлийн кабель солих 8 сая төгрөгний ажил, Сонгинохайрхан дүүргийн Их нарангийн гудамжны гэрэлтүүлгийн тэжээлийн кабель солих ажил 8 сая төгрөг бүхий нийт 26 сая төгрөгний урсгал засварын ажлуудыг хийж эхлээд байна.
Хан-Уул дүүргийн Зайсангийн зам дагуу 30 лед гэрэлтүүлгийн кабель шинэчлэх ажил, Гандигийн гудамжны кабель болон дутуу шон нөхөх засварын ажлууд график төлөвлөгөөний дагуу хугацаандаа хийж байгаа бөгөөд одоогоор ажлын явц 70 хувьтай байна.
Тендерт шалгарсан “Гэрэлтүүлэг чимэглэл” ХХК нь төлөвлөгөөний дагуу хотын төв гудамж тайлбайн гэрэлдүүлгийн асалт, урсгал засварын ажлыг хариуцан ажиллаж байна. Нийт 15000 мянган гэрэлтүүлэг байгаагаас 95 хувийн асалттай байна.
Нийслэлийн Засаг даргын Зам тээвэр, дэд бүтцийн асуудал хариуцсан орлогч Н.Гантөмөр нийслэлийн Удирдах ажилтнуудын ээлжит Шуурхай зөвлөлгөөний хуралдаан дээр холбогдох байгууллагуудад дараахь үүрэг даалгаврыг өглөө. Үүнд:
Улаанбаатар хот үүсэн байгуулагдсаны 376 жилийн ойг тэмдэглэн өнгөрүүлэх ажлын хүрээнд нийслэлийн төр захиргааны бүх байгууллагууд ойг угтан өөрсдийн нэрэмжит ажил зохион байгуулж хэвлэл мэдээллийн хэрэгслээр сурталчлах
Нийслэлийн ойг угтаж гудамж замын тэмдэг тэмдэглэгээг шинэчлэх, сэргээх, байгууллага, аж ахуйн нэгжүүдийн гадна хаягжилтыг сайжруулж, хотын өнгө үзэмжийг нэмэгдүүлэх ажлыг зохион байгуулж, хяналт шалгалт хийх
Нийслэлийн Засаг даргын 2015 оны 09 дүгээр сарын 22-ны өдрийн А/775 дугаар захирамжаар байгуулагдсан Богд Хан уулын төрийн тахилгыг тахих бэлтгэлийг хангуулах ажлыг сайтар зохион байгуулах
Баянзүрх дүүргийн “Цайз”, “Өгөөмөр” захын орчимд нийтийн эзэмшлийн зам талбай, явган хүний зам гарцыг хааж гар дээрээс зөвшөөрөлгүй худалдаа эрхэлж байгааг зогсоож, мэргэжлийн байгууллагуудтай хамтран хяналт шалгалтыг зохион байгуулах
“Нийслэлийн Бүтээн байгуулалтын дээд шагнал” гардуулах үйл ажиллагааны бэлтгэлийг хангуулж, аж ахуй нэгж байгууллагуудыг идэвхтэй оролцуулах ажлыг зохион байгуулахыг тус тус үүрэг болголоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 9 сарын 28
Өнгөрөгч амралтын өдрүүдэд Улаанбаатар хотын Замын цагдаагийн газрын МШУЗХ дээр нийт 775 дуудлага мэдээ мэдээлэл хүлээн авсчээ.
-
2015 оны 9 сарын 28
Зэвсэгт хүчний 1000 гаруй цэрэг ургац хурааж, хадлан хадаж байна
-
2015 оны 9 сарын 28
Си Жиньпины зарлигаар Монголын таван ахмад дайчин энгэрээ мялаана
-
2015 оны 9 сарын 28
Уран хурц барилдаанаараа бөх сонирхогч олон түмнээ баясгаж явсан Улсын заан Чадраабалын Бямбадорж өвчний улмаас таалал төгслөө.
-
2015 оны 9 сарын 28
Хөвсгөл аймагт их хэмжээний цас орсноор өнгөрөгч бямба гарагт тус нутагт явсан тээврийн хэрэгслүүд зорчих боломжгүй болж, иргэд цасанд боогджээ.
-
2015 оны 9 сарын 28
Энэ сарын 25-ны өдөр Хөвсгөл аймагт тарваган тахлын улмаас 44 настай Б амиа алдсан харамсалтай хэрэг гарчээ.
-
2015 оны 9 сарын 28
“НАМРЫН Н0Г00Н ӨДРҮҮД-2015” ҮРГЭЛЖИЛЖ БАЙНА
-
2015 оны 9 сарын 28
Өнгөрсөн шөнө Туркууд монголчуудыг зодсон ноцтой хэрэг гарчээ.
-
2015 оны 9 сарын 28
Төмс, хүнсний ногооны хураалт 58.9 хувьтай байна
-
2015 оны 9 сарын 28
”Стелла Жапан” компанид төлөөлөгчийн газар ажиллуулах эрх олголоо
-
2015 оны 9 сарын 28
“ХОТЫН НОГООН ХӨГЖИЛ” сэдэвт хуралдаанд оролцогчдын хамтарсан мэдэгдэл
-
2015 оны 9 сарын 27
Сонгинохайрхан дүүргийн 32 дугаар хороонд байрлах Авто худалдааны цогцолборын эхний ээлжийг ирэх долоо хоногт нээхээр болжээ.
-
2015 оны 9 сарын 27
Уртын дуучин А.Түмэн-Өлзий ”Шинэ үе” хошин урлагийн хамтлагийн жүжигчин Л.Сөрөлт нар тун удахгүй хамтран тоглолтоо хийхээр болжээ.
-
2015 оны 9 сарын 27
Улсын хэмжээнд оны эхний найман сарын байдлаар 19007 гэмт хэрэг гарчээ.
-
2015 оны 9 сарын 27
Улаанбаатар, Эрдэнэт, Чойбалсан хотуудад энэ сарын 15-наас төвлөрсөн болон төвлөрсөн бус дулаанаар хангагддаг эмнэлэг, сургууль, цэцэрлэг, орон сууцны халаалтыг төлөвлөгөөт хугацааны дагуу өгч эхлэсэн байна.
