Төр нийгмийн зүтгэлтэн С.Зоригийн амь насыг хөнөөсөн хэргийн шүүх хурал Нийслэлийн Эрүүгийн хэргийн давж заалдах шатны шүүхэд болж, дөнгөж сая шүүх бүрэлдэхүүн шийдвэрээ гаргалаа.
Шүүхээс С.Зориг агсны амийг бүрэлгэсэн хэргээр анхан шатны шүүхээс ял сонссон Б.Содномдаржаа, Ц.Амгаланбаатар /25 жил/ Т.Чимгээ /24 жил/ нарын ялыг хэвээр үлдээх шийдвэр гаргасан байна.
Тодруулбал Ц.Амгаланбаатарт оноосон 25 жилийн 20-ыг гянданд, үлдснийг онцгой дэглэмтэй хорих ангид, Б.Содномдаржаад оноосон 25 жилийн 23-ыг нь гянданд, үлдснийг онцгой дэглэмтэй хорих ангид, Т.Чимгээгийн 24 жилийн ялыг чанга дэглэмтэй хорих ангид эдлүүлэх шийдвэрийг анхан шатны шүүхээс гаргаад байсан юм.
Шүүх хуралдааны шүүгчээр шүүгч Ш.Бат-Эрдэнэ, С.Соёмбо-Эрдэнэ, Н.Батсайхан нар шүүсэн бол улсын яллагчаар Ж.Сандагсүрэн, Б.Батжаргал нар оролцсон юм.
Шүүхийн шийдвэрийн бид тун удахгүй дэлгэрэнгүйгээр мэдээлэх болно.
Б.Энхжин
Сэтгэгдэл (19)