Эх барих эмэгтэйчүүдийн эмч Ш.Цэрэнсамбуу өөрийн цахим хуудсандаа Ерөнхий сайд Л.Оюун-Эрдэнийн Засгийн газрын талаар ийнхүү нийтэлжээ. 

Тэрбээр "Үнэн зүйлийг үнэнээр бас хэлж мэддэг байх хэрэгтэй гэж боддог. Эх ургийн анагаах ухааны мэргэжилтэн, Эх барих эмэгтэйчүүдийн эмч, Эх нялхасын байгууллагад ажиллаж амьдарч яваа хүний хувьд хэлэхэд Оюун-Эрдэнийн засгийн газар Эх хүүхдийн эрүүл мэнд эмнэлгийн барилга байгууламж, тоног төхөөрөмжийн хангалт, Төрөөс баримтлах бодлогод сүүлийн 30 жилд байгуулагдсан олон засгийн газраас хамгийн их зүйл хийсэн Засгийн газар.

Саяхан 3-4 хөн жилийн өмнө амаржих газар ээжүүдэд ор олддоггүй, жирэмсэн ээжүүд коридортоо хонох, хүлээн авах амбулаторт битүү очер дугаартай, эм эмнэлгийн хэрэгсэл нэг удаагийн хэрэгсэл хангалт маш муутай 15 мянган хүн төрдөг төвлөрсөн амаржих газар ганц хоёрхон ЭХО аппараттай л байлаа ш тээ.

2018, 2019 онуудад хэд хэдэн удаа урт богино хугацаагаар гадагшаа Хятад, Солонгос, Турк, Тайвань, ОХУ-д суралцах боломж гарсан юм.

Явж ирээд ийм сайхан залуусын орон ийм төрөлт ихтэй улс яагаад сайхан амаржих газрууд төрөлжсөн мэргэжлийн тусламж үзүүлдэг газрууд нь дандаа ийм хангалттай ийм байр байшинтай багтаж шингэхээргүй их очертой байдаг юм бэ гэж боддог байлаа.

Үнэхээр энэ ЗГ-н хугацаанд Эх нялхасын олон том обьектууд (Пренаталогийн клиник, Хүүхдийн шинэ амбулатори, Хоёрдугаар төрөх буюу Хүрээ амаржих газрын 9 давхар обьект, 300 орт буюу Яармагийн Эх нярай эмэгтэйчүүдийн төв бүрэн хэмжээгээрээ ажиллаж эхэлсэн, СБД, Чингэлтэй шинэ амбулатори жирэмсэн эхчүүдийн хяналтын шинэ төвүүд зэрэг) баригдаж хэдийгээр төрөлт буурсан ч гэсэн өнөөдөр амаржих газрууд жирэмсэн эхчүүдээ бараг булаацалдаж төрүүлэх хэмжээнд очсон юм.

Өнөөдөр үнэхээр хамгийн сайн үйлчилгээтэй хамгийн сайхан орчинтой хамгийн сайн эмч мэргэжилтэнтэй хамгийн сайхан харьцаа хандлагатай амаржих газрыг ээжүүд сонгож очиж төрөх боломжтой байна. Коридорт ор хүлээнэ гэсэн ойлголт алга болж эх ургийн анагаах ухаан эмэгтэйчүүдийн салбарт шинэ технологи нэвтрүүлэхээр эрдэм шинжилгээ судалгааны ажил хийхээр хажуудаа цэцэрлэг байгуулах мөн төрсний дараах сувилал байгуулахаар төрөлжсөн мэргэжлийн эмнэлэгүүд амаржих газрууд өрсөлддөг болоод байна.

Оюун-Эрдэнийн ЗГ бол Эх нялхасын асуудалд хамгийн ээлтэй хандаж их зүйлиг хийснийг манай эмч мэргэжилтнүүд болон гэр бүл ээж аавууд сайн мэдэж байгаа. Үнэн юм бас үнэнээрээ сайхан" гэжээ.