Олон улсын эрэн сурвалжлах сэтгүүлчдийн нэгдэлээс 215 мянган оффшор компани, улс орны удирдагч, нөлөө бүхий улстөрчид татвараас зайлсхийж, мөнгө угаасан баримт нотолгоо бүхий 11.5 сая нууц баримтыг 2016 онд олон нийтэд ил болгосон нь дэлхий даяар дуулиан болсон билээ. Том том гүрнүүдийн олигархиуд ч яахав, олсон хуссан хэдэн төгрөгөө оффшорт нуудаг л юм байгаа биз. Дайны хажуугаар дажин гэгчээр дэлхий нийтээрээ "Panama papers"-ын мэдээлэлд анхаарал хандуулж, хаанахын хэн хэдэн данс, хэдэн доллартайг сонирхож байтал хөгжлөөрөө хойш ухарч, хүний эрхийг дээд зэргээр зөрчдөг, даржин ч дэгжин юм царайлдаг, авлигачдаараа алдартай ч авдаггүй юм шиг ярьдаг дарга нартай Монгол улсын оффшорчид толгой цохин гарч ирэв ээ. Монгол гэсэн хайлтад давхардсан байдлаар 49 нэр зарлагдсан байдаг юм.
Тус цахим хуудаснаа байрласан оффшор данстангууд 1-4 удаа данс нээлгэсэн гээд бод доо. Тус бүсэд хамгийн олон данстай эрхэм Батзориг Чимэддорж дөрвөн данстайгаар бусдыгаа тэргүүлсэн гээд Монгол улсын "Овт шаар"-нуудыг нэрлээд байвал нүд бүлтийлгэж, чих дэлдийлгэх олон мэдээлэл хөвөрнө. Оффшорчдын мэдээлэлд цочирдсон улс төрчид ч нэг хэсэг дарна, нухна ухааны юм ярьж байгаад таг болж билээ.
Зах зухаас нь сануулбал УИХ-ын гишүүн М.Оюунчимэг хүсэлт тавьж Оффшорын асуудлаар Хууль, зүй дотоод хэргийн сайд С.Бямбацогт мэдээлэл хийсэн юм. Түүний үгнээс өлгөн авч одоогийн Ерөнхийлөгч Х.Баттулгын гаргасан шаардлагатай зэрэгцүүлэн зүтгүүлэх аваас амжилт олох нигуур их байна.
Хууль, зүй дотоод хэргийн сайд С.Бямбацогт: Конвенцэд тусгасан оффшор бүсэд байршуулсан хууль бус хөрөнгийг хураан авч авчруулах боломжтой.
Хууль, зүй дотоод хэргийн сайд С.Бямбацогт тухайн үед "НҮБ-ын Авлигын эсрэг конвенц 2005 онд үйлчилж эхэлсэн. Үүнд 181 улс нэгдэж орсны дунд оффшор бүс болох Их Британи, Умард Ирландын нэгдсэн вант улс, Швейцар Луксенбүрг, Нидерланд, Кибер, Багам, Панам зэрэг улсууд нэгдэн оржээ.
НҮБ-ын Авлигын эсрэг конвенцэд зааснаар төрийн албан хаагч эд хөрөнгө завших шамшигдуулах замаар олсон орлогыг хураан авах арга хэмжээг хүсэлт хүлээж авсан улс хэрэгжүүлэх үүрэгтэй. Иймд тус конвенцэд тусгасан оффшор бүсэд байршуулсан хууль бус хөрөнгийг хураан авч авчруулах боломжтой. Харин хураагдахад харилцагчийн нууцлалтай холбоотой асуудал гэсэн шалтгаанаар хугацаа алдах хүндрэл байна. Хуулиар бол ХОМ гаргадаг төрийн албан хаагч оффшор бүсэд байгаа хөрөнгөө бусдад худалдах, шилжүүлэх үүрэг хүлээсэн. Хэрэв хууль биелүүлээгүй бол тухайн албан тушаалтныг эгүүлэн татах буюу халах, сахилгын хариуцлага хүлээлгэнэ" гэсэн юм.
Мөн үүний дараа АТГ-ын дарга Х.Энхжаргал "Оффшор бүсэд Монгол Улсын 49 иргэний мэдээлэл байдаг. Давхардсан тоогоор 29 иргэний 42 аж ахуйн нэгж байгаа гэж тогтоогдоод байна. Тэр 29 хүний 20 нь одоо төрийн албанд ажиллаж байна. Тэднээс байцаалт авсан. Тэдний зарим нь бизнес хийх зорилгоор сонирхож үзсэн, зарим нь оффшор бүсэд байгаа хөрөнгөө Монгол руу оруулаад ирчихсэн байдаг. 17 тэрбум ам.доллар оффшор бүсэд байгаа гэдэг бол тогтоогдох үндэслэлгүй тоо. Харин 29 хүний тухайд оффшорын асуудлаа цэгцэлсэн гээд, бүх бичиг баримтаа авч ирж, мэдүүлэг өгсөн" гэж байсныг санаж байна.
Гэтэл оффшор данс байсан ч одоо үгүй болсон, эсвэл огт байгаагүй хэмээн мэлдсэн олон гишүүд бий. Тухайлбал Кёкүшюзан Д.Батбаяр. Эрүүгийн цагдаагийн газраас шалгалт хийгээд Их Британийн Виржини аралд байрлалтай “Impox”, “Gumax”, “Abros” компанид Кёкүшюзан Д.Батбаярт хамааралгүй болох нь тогтоогдож, оффшортой хамааралгүй болсон. Мөн Э.Бат-Үүл баатарын хүү Чулуудайн оффшор дахь компани 2013 онд татан буугдсан, УИХ-ын гишүүн Сү.Батболд Би хувьцаа худалдаж авсан, зарсан. Түүнээс биш оффшор компани байгуулаад данс эзэмшээд байгаа юм байхгүй, БХБ-ын сайд асан Д.Цогтбаатар "Надад оффшор данс байхгүй гэдгийг хариуцлагатайгаар хэлж байна гэх зэргээр өөр өөрсдийн тайлбарыг хийсэн.
Хонь гаталсан усыг чоно "Хонь гаталсан ус юм даа" хэмээн амтархан долоодог юм гэсэн шүү. Цаадуул чинь оффшор дансандахаа төрдөө өгчихсөн юм гэж улилдах ч юм бил үү хэн мэдлээ.
Оффшор дансныхаа талаар тайлбар хийж хамааралгүй болсон нөхдүүд ч яахав гээд үлдээе. Харин өдийг хүртэл амаа жимийн, тас гэдийж суугаа нөхдүүд хэрхэх вэ. Тухайлбал 1 сая ам.доллар дансандаа хийгээд таг мартсан С.Баярцогт гишүүн байна. Нэг сая ам.доллараа мартаж байхыг бодоход "Үрээгээ танихгүй баян"-ы нэг яах аргагүй мөн байгаа биз. Тиймээс хэрэгцээгүй, хэрэггүй шахам болж мартагдсан нэг сая ам.доллараа барьж гүйж ирээд төрдөө өргөл болгон өгч нэрээ цэвэрлээд авчих хэрэгтэй гээд зөвлөчих PR-чин түүнд байхгүй л байгаа юм даа.
За тэгээд хамгийн олон данстай эзэмшдэг Батзориг Чимэддорж дөрвөн дансаараа гайхуулаад суухын оронд нэг дансандаа шилжүүлчихээд нүглийн нүдийг гурилаар хуурвал бас л нэрэнд хал балгүй юм даа. Араас нь Монгол Улсын Сангийн сайдаар ажиллаж байсан Я.Очирсүх, Петровис ХХК-ийн ерөнхий захирал Ж.Оюунгэрэл, Тэнгри Холдингийн захирал Х.Анхбаяр нарын нэрс хөвөрнө дөө. Бүгд л "Үрээгээ танихгүй" хур баячууд. Тэд оффшорт нуусан хөрөнгөө "хаясанд" тооцсон ч хотойхгүй. Тээр жил Ш.Отгонбилэг агсан Швейцарын нэгэн банкинд 20 сая ам.доллар хадгалуулж орхисныг хожим гэр бүлийнхэн нь ч авч чадаагүй гэдэг. Одоо Д.Туяа хатагтай ч, үр хүүхдүүд нь ч тэр мөнгөөр дутахааргүй сайхан амьдарч явааг түмэн олон харж л байгаа. Д.Туяа хатагтай ч "Энэ мөнгийг байхгүйд тооцож явъя" хэмээн хаясан гэх дуулиан тухайн үед гарч байсан юмдаг.
Тэгэхээр манай оффшорчид дардайгаад байгаа дансаа хав дараад хэвтэлгүй, ёстой л овт шарын мэхийг хийж чимххэнийг төрд үнэрлүүлчихээд хэлэх үгтэй, буцах замтай болчих хэрэгтэй гэх нэгэн ч байна. Хонь гаталсан усыг чоно "Хонь гаталсан ус юм даа" хэмээн амтархан долоодог юм гэсэн шүү. Цаадуул чинь оффшор дансандахаа төрдөө өгчихсөн юм гэж улилдах ч юм бил үү хэн мэдлээ. Олзоо нуусан "Овт шаар"-ууд минь орлогоо төрд хураалга, хураалга...
Оффшор данстай 49 эрхмийг жагсаавал:
1. CRMI CO., LTD оффшор данстай
2. Болорчимэг Болдбаатар оффшор данстай
3. John F Barghusen оффшор данстай
4. Сайхандаваа Өлзийхишиг оффшор данстай
5. Энх-Амгалан Мөнхнаст оффшор данстай
6. Болдмаа Эрэмгийдорж оффшор данстай
7. Цогт Нацагдорж оффшор данстай
8. Батзориг Баяр оффшор данстай
9. Үлэмжсайхан Дамдин оффшор данстай
10. LI Guogang оффшор данстай
11. Болд Жамбалсүрэн оффшор данстай
12. Цогт Нацагдорж оффшор данстай
13. Сэргэлэн Цэндсүрэн оффшор данстай
14. Цогт Нацагдорж оффшор данстай
15. Мөнхжаргал Сэдбазар оффшор данстай
16. Бүрэн-Эрдэнэ Хүлдорж оффшор данстай
17. Fan Wenshuang оффшор данстай
18. Оюунгэрэл Жанчив оффшор данстай
19. Батсайхан Саруулбаяр оффшор данстай
20. Бат-Үүл Чулуудай оффшор данстай
21. Анхбаяр Хүрлээ оффшор данстай
22. Сайнбаяр Сайнжаргал оффшор данстай
23. Хүрэл Ханджав оффшор данстай
24. Бум-Эрдэнэ Харьюу оффшор данстай
25. Батбаяр Даваа оффшор данстай
26. Бат-Эрдэнэ Батхуяг оффшор данстай
27. Баяраа Монгол оффшор данстай
28. Бат-Очир Сүхбаатар оффшор данстай
29. Hou xiao ning оффшор данстай
30. Батбаяр Даваа оффшор данстай
31. Бум-Эрдэнэ Харьюу оффшор данстай
32. Батзориг Чимэддорж оффшор данстай
33. Батзориг Чимэддорж оффшор данстай
34. Давааням Чойндон оффшор данстай
35. Шагдардулам Самбалхүндэв оффшор данстай
36. Будрагчаа Цээнээ оффшор данстай
37. Батзориг Чимэддорж оффшор данстай
38. Давааням Чойндон оффшор данстай
39. Батзориг Чимэддорж оффшор данстай
40. Давааням Чойндон оффшор данстай
41. Анхбаяр Хүрлээ оффшор данстай
42. Батзориг Чойндон оффшор данстай
43. Батзориг Чойндон оффшор данстай
44. Энх-Амгалан Мөнхнаст оффшор данстай
45. Дэлгэрсайхан Борхүү оффшор данстай
46. Дэлгэрсайхан Борхүү оффшор данстай
47. Lio Yao Gang оффшор данстай
48. Очирсүх Янсанжав оффшор данстай
49. Yang Gui Xiang оффшор данстай
Р.Бат
Сэтгэгдэл (24)