Хууран мэхлэх замаар нутаг нэгтнээ хил дамнуулан худалдсан Б.Энхцэцэг, Д.Дэлгэрцэцэг нар Улсын дээд шүүхийн хяналтын шатны шүүхэд ханджээ. Тэднийг Эрүүгийн хуулийн тусгай ангийн 124.2-т зааснаар буюу биеэ үнэлэх газар байгуулсан, санхүүжүүлсэн, түүнчлэн биеэ үнэлэхэд зуучилсан, биеэ үнэлэхийг байнга зохион байгуулсан, тээврийн хэрэгсэл, орон байр, бусад зүйлээр үйлчилсэн гэх үндэслэлээр буруутгаж, өнгөрсөн оны арванхоёрдугаар сарын 8-нд Сүхбаатар дүүргийн шүүхээс Б.Энхцэцэгт 3.6 жил, Д.Дэлгэрцэцэгт хоёр жилийн ял оноосон юм. Гэвч тэд анхан шатны шүүхийн шийдвэрийг эсэргүүцэж, Нийслэлийн давж заалдах шатны шүүхэд гомдол гаргасан байдаг. Харин давж заалдах шатны шүүхээс тэдний ялыг хэвээр баталсан учир ийнхүү Улсын дээд шүүхэд хандсан байна.
Б.Чимэг
