МАХН-ын дарга Н.Энхбаярыг Төв аймгийн урьдчилан цагдан хорих төвд саатуулаад байгаа билээ. Н.Энхбаярыг 4 дүгээр сарын 13-ны өглөө Төв аймгийн цагдан хориход аваачсанаас хойш тус төвийг өндөржүүлсэн бэлэн байдалд авч, цагдаа нар хамгаалалтад авсан юм.

   МАХН-ын дарга Н.Энхбаярыг Төв аймгийн урьдчилан цагдан хорих төвд саатуулаад байгаа билээ. Н.Энхбаярыг 4 дүгээр сарын 13-ны өглөө Төв аймгийн цагдан хориход аваачсанаас хойш тус төвийг өндөржүүлсэн бэлэн байдалд авч, цагдаа нар хамгаалалтад авсан юм. Төв аймгийн цагдан хорих төвийн өндөржүүлсэн бэлэн байдал, цагдаагийн хамгаалалт одоог хүртэл зогсоогүй байгаа бөгөөд дотор юу болж байгаа талаар хэн ч мэдэхгүй байгаа юм. Ямартай ч Төв аймаг дахь цагдан хорих төв эрүүдэн шүүлтээрээ дэлхийн орнуудаас дээгүүр ордог гэж хүний эрхийн хуульч М.Ичинноров удаа дараа мэдэгдээд байгаа билээ. Тэрээр энэ цагдан хорих төвийн талаар судалгаа хийж Хүний эрхийн тухай ОУ-ын хуралд хүртэл илтгэл тавьж байсан нэгэн.
   Тус цагдан хорих төв агуулахаа нийлүүлбэл гурван давхар бөгөөд одоогоор 200 гаруй сэжигтнийг цагдан хорьжээ. Мөн урьдчилан цагдан хорих тус төв рүү хэнийг ч нэвтрүүлэхгүй, тэр бүү хэл дөхөж очихыг хүртэл хориглосон бөгөөд 20 гаруй шүүхийн шийдвэр гүйцэтгэгчид байрыг хамгаалалтад авчээ. Дээрээс нь шийдвэр гүйцэтгэгч нарт хэнтэй ч юм ярьж болохгүй гэж тушаал өгсөн байна.
   Юутай ч одоо Төв аймгийн цагдан хориход саатуулагдаж байгаа МАХН-ын дарга Н.Энхбаяр хорихын хүйтэн өрөөнд гуталгүй, хөл нүцгэн хоригдож байгаа юм. Мөн төрийн тусгай хамгаалалтад байгаа хүнийг хорихдоо бие хамгаалагчтай нь хоридог боловч хамт хоригдож байгаа эсэхийг нь түүний өмгөөлөгч О.Баасанхүү хүртэл мэдэхгүй байгаа юм. Эх сурвалжийн мэдээлснээр Н.Энхбаярын хамгаалагчийг өөр газар тусад нь хориж байгаа гэв.