Волейбол: Азийн оюутны аварга шалгаруулах эмэгтэй волейболчдын тэмцээн Монголд анх удаагаа зохион байгуулагдаж байгаа билээ. 2012 оны 04 дүгээр сарын 09-нд нээлтээ хийж эхэлсэн тус тэмцээний тоглолтууд 4 дүгээр сарын 10-наас эхэлсэн бөгөөд Кыргызстан, Тайландын багуудын тоглолт байлаа.
Харин Монголын баг тамирчид тэмцээний анхны тоглолтоо 4 дүгээр сарын 11-нд хийсэн бөгөөд 2009 оны энэ тэмцээний аварга Тайландын багтай тоглосон юм. Таван үе үргэлжилсэн энэ тоглолтод 3:2-ын харьцаатай манай тамирчдын ялалтаар өндөрлөсөн. Эхний үед 14:25-аар, гуравдугаар үед 17:25-аар хожигдсон бол хоёрдугаар үед 25:19, дөрөв, тавдугаар үед 25:20, 15:10 гэсэн онооны харьцаатай ялалт байгуулсан юм. Монголын тамирчдын дараагийн учраа Кыргызстан улсын баг тамирчид байв.
Хоёр дахь тоглолтоо Кыргызстан улсын шигшээ багтай хийсэн Монголын баг тамирчид гурван үе дараалан ялалт байгууллаа. Тоглолтын нэгдүгээр үед 25:20, хоёрдугаар үед 25:12 гуравдугаар үед 25:14-өөр илт илүүрхэн 3:0-ийн харьцаагаар хожсон юм.
Бокс:
Казахстаны нийслэл Астанад болсон олимпийн эрх олгох тэмцээнд хүч үзсэн Монголын боксчин Нямбаярын Төгсцогтийн хоёр дахь учраа нь тулааны урлагийн дэлхийн наадмын аварга, Энэтхэгийн боксчин Суранжой Маенбам байв. Суранжой эхний тулаандаа БНСУ-ын Дон Мүн Шиг ялсан бол 19 настай, дэлхийн аваргын мөнгөн медальт Н.Төгсцогт Азийн тоглолтын аварга, Филиппиний Рэй Солюдарыг эхний раундад нокаутаар буулгаж авсан юм. Монголын залуу тамирчны энэ ялалт тус тэмцээний хамгийн шуурхай ялалтаар бүртгэгдсэн юм. 2 дахь тоглолтдоо өрсөлдөгчөөсөө өндөр, чац урттай Н.Төгсбаяр зайгаа зөв тооцоолон барьж, урд өрсөн гараараа учраагаа оновчтой цохиж байв. Багийн хамт олныхоо халуун дэмжлэгийн дор Монголын авьяаслаг тамирчин их л итгэлтэйгээр тоглосон гэж Казахстаны спортын сэтгүүлчид онцолжээ. Эхний раундад Н.Төгсцогтод 4 оноо алдсан Маенбам 2 дугаар үед шууд л довтолгоонд шилжсэн байна. Энэтхэгийн боксчин өрсөлдөгчөө ойрын зайнд оруулахыг хичээж байв. Хоёрдугаар раунд 15:6 харьцаатайгаар Н.Төгсцогтын давамгайллаар төгсөв. Дэлхийн боксын цувралын хүчтэй багийн нэг “BakuFires”-т хатаагдсан Монголын боксчин цохилт бүрээ оновчтой буулган, оноогоо ахиулсаар тоглолтыг 30:10 онооны гайхалтай амжилтаар дуусгав. Н.Төгсцогтын дараагийн учраа нь Пакистаны Мухаммад Вассим юм.
Пакистаны найдварыг таслав
20 настай, ДАШТ-ий мөнгөн медальт Н.Төгсцогт Пакистаны 54 кг-ийн боксчин Мухаммад Вазимыг ялав. Пакистаны боксын холбооны тэргүүн Али Акбар Шах “Вазим Монголын тамирчинг ялж олимпийн эрх авна гэдэгт итгэлтэй байна” гэж тоглолтын өмнө мэдэгдэж байсан юм. Тоглолтын эхнээс санаачилгыг авсан Монголын боксчин Пакистаны олимпийн найдварыг илт илүүрхэн гурван үед 5:2, 9:3, 8:4 оноогоор
хожин, нийт дүнгээр 22:9 харьцаагаар ялалт авсан. Энэ бол түүний олимпийн наадамд өрсөлдөх эрх юм. Н.Төгсцогт, Б.Түвшинбат нар мөнгөн медаль хүртэв
Казахстаны нийслэл Астана хотод болж буй олимпийн эрх олгох Азийн аварга шалгаруулах боксын тэмцээнээс олимпийн эрхээ авсан манай тамирчин Н.Төгсцогт, Б.Түвшинбат нар аваргын төлөөх тоглолтоо хийсэн. Гэвч 52 кг, 69 кг-ийн жинд тоглосон тус хоёр тамирчин маань хоёулаа мөнгөн медалийн болзол хангав. Н.Төгсцогтын хувьд алтан медалийн төлөө эзэн орны тамирчин Илиас Сулеменовтой хүч үзэн 18:14-ийн харьцаатай ялагдсан бөгөөд нэгдүгээр үед 5:4, хоёрдугаар үед 8:6, гуравдугаар үед 5:4 гэсэн оноог авчээ. Харин 69 кг-ийн жинд алтан медалийн төлөө тоглосон Б.Түвшинбатын хувьд эхний үе эхлээд удаагүй байхад гарандаа бэртэл авч улмаар Хятадын тамирчин алтан медалийн болзол хангалаа. Нэмж хэлэхэд урд нь Бээжингийн олимпийн наадмын алтан медалийн төлөө П.Сэрдамба мөн үүнтэй адил Хятадын тамирчинтай тоглож байгаад гарандаа бэртэл авч байсныг санаж байгаа байх.
Гуравдугаар сарын шилдэг тамирчин:
М.Ананд гуравдугаар сарын шилдэг нь
Монголын Үндэсний Олимпийн Хорооноос тухайн сард болж өнгөрсөн тэмцээн, уралдаанд амжилт үзүүлсэн тамирчдаа алдаршуулах, сар бүр Монголын спортын ертөнцөд болсон үйл явдлыг дүгнэх зорилгоор “Сарын шилдэг тамирчин” төслийг Монголын Спортын сэтгүүлчдийн холбоо,
UBS телевиз, Монголын спортын Маркетингийн агентлагтай хамтран өнгөрсөн оны 10-р сараас эхлэн хэрэгжүүлж эхэлсэн билээ. Тэгвэл гуравдугаар сарын шилдэг тамирчнаар мэргэжлийн сүмо бөхийн “Харү” башёд 13 давж, шинээр озеки цол хүртсэн какүрюү М.Ананд тодорсон. Тэрээр өнгөрсөн сард гайхалтай барилдааныг үзүүлж, тэмцээний сүүлийн өдөр хүртэл түрүү бөхийн хэмжээнд өрсөлдсөн юм. Монголын дөрөв дэх озеки болсон тэрээр энэ сард 45%-ийн санал цуглуулж сарын шилдэгээр шалгарсан юм. Түүнтэй гуравдугаар сарын шилдэг тамирчны төлөө дараахь тамирчид өрсөлдсөн юм.Хакүхо М.Даваажаргал – Мэргэжлийн сумогийн Харү башѐд түрүүлснээр 22 дахиа түрүүлж их аварга Таканоханагийн амжилттай зэрэгцсэн юм.
С.Баярнаран – Арабын нэгдсэн эмират улсад болсон пара хөнгөн атлетикийн зээрэнцэг шидэлтийн олон улсын тэмцээнд мөнгөн медаль хүртэж, паралимпийн эрхээ авсан. Дэлхийд чансаагаараа тавдугаар байранд бичигдэж буй.
Т.Болортуул – Боксын спортын ОУХМ. Улаанбаатар хотноо болсон эмэгтэй боксын Азийн аварга шалгаруулах тэмцээнд алтан медаль хүртсэн.
Э.Уянга - Боксын спортын ОУХМ. Улаанбаатар хотноо болсон эмэгтэй боксын Азийн аварга шалгаруулах тэмцээнд алтан медальхүртсэн.
У.Мөнх-Эрдэнэ - Польшийн Варшав хотноо болсон олон улсын тэмцээнд алтан медаль авсан.
