МАХН-ын дарга Н.Энхбаярыг баривчлагдах үед гэрт нь хамт байсан УИХ-ын гишүүд хэвлэлийн бага хурал хийлээ. Хэрэг явдал өрнөсөн орой диванд даруулж, нүүрэндээ цохиулсан Д.Тэрбишдагва, Ч.Улаан, О.Чулуунбат, Ц.Шинэбаяр нар УИХ-ын даргын гэрт очиж уулзжээ. УИХ-ын гишүүний халдашгүй байдлыг зөрчиж нэгдүгээрт биед халдсан, хоёрдугаарт эд хөрөнгөд халдсан гэсэн тайлбарыг Д.Дэмбэрэлд хийсэн байна. Тийм учраас хуулийн болон цагдаа хүчний байгууллага тэдний халдашгүй байдалд халдсан эсэхийг шалгах ажлын хэсэг гаргахыг хүсчээ. Ажлын хэсгийн дүгнэлтээс үндэслэн холбогдох байгууллагын дарга, удирдлагуудад хариуцлага тооцохыг хүссэн байна.

    Мөн гишүүд “Бид бол ард түмний саналаар, итгэлийг нь дааж сонгогдсон хүмүүс. Тийм учраас бидэнд халдаж байгаа нь ард түмэнд халдаж байна гэсэн үг” хэмээх тайлбарыг хийж байлаа.