МАХН-ын дарга Н.Энхбаярыг өнгөрсөн пүрэв гаригт баривчилан хорьсон билээ. Гэхдээ түүнийг Тусгай хамгаалалтын тухай хуулийг зөрчин баривчилсан хэмээн АТГ болон цагдаа хүчний байгууллагыг буруутгаад байгаа. Үүнтэй холбогдуулан хүний эрхийн хуульчид байр сууриа илэрхийлээд буй юм. Гэтэл баривчлах ажиллагааг эхлүүлсэн үеэс л баасан гаригийн өглөөг хүртэл ТЕГ-ын харьяа Төрийн тусгай хамгаалалтын газрын дарга, хурандаа Л.Бат-Зориг утсаа салгаад  хаашаа ч юм алга болсон байжээ. Тиймээс хамгаалалтынхан дээрээсээ ямар ч зохицуулалтгүй ажилласан байна. Н.Энхбаярын сууж явсан автомашин болон хамгаалагч нарт нь халдсан үйл явдлын дараагаар Н.Энхбаярыг ерөнхийлөгч байх үед хамгаалалтанд нь гарч байсан хэсэг ажилтнууд сайн дураараа очсон байна. Гэхдээ тэд ямар нэг зааваргүйгээр хуучин дарга дээрээ ийн очжээ.