Пакистаны баруун хойд хэсгийн Банну хот дахь төв шоронд халдлага болсны дараа 400 орчим хоригдол оргож алга болжээ.

    Өчигдөр гранат, галт зэвсэг агссан “дайчид” шоронгийн хамгаалалтын албатай ширүүн буудалцаан өрнүүлж, аль аль талаас олон хүн шархаджээ. Халдлага үйлдсэн бүлгийн алан хядлагын Аль Кайда бүлэглэлтэй холбоотой бүлэг хэмээн сэжиглэж байна.

    Халдлагын дараа хоригдлууд зугтан алга болж, шоронд хоригдол бараг үлдсэнгүй. Банну дахь төв шоронруу халдсан хэргийн хариуцлагыг ямар ч бүлэг хүлээгээгүй байна.

400 орчим хоригдол зугтаж алга болсны Пакистаны цагдаагийн газрын төлөөлөгч баталжээ. Баннугийн төв шоронд 944 хоригдол хоригдож байжээ.