Өнөөдөр 12 .00 цагаас МАХН-ын төв байр цагаан ордонд МАХН-ын НБД, Л.Цог, эмч Б.Жамбалжав нар МАХН-ын дарга Н.Энхбаярыг хүч хэрэглэн баривчилсан асуудлаар хэвлэлийн бага хурал хийлээ.
    Өнөөдөр 12 .00 цагаас МАХН-ын төв байр цагаан ордонд МАХН-ын НБД, Л.Цог, эмч Б.Жамбалжав нар МАХН-ын дарга Н.Энхбаярыг хүч хэрэглэн баривчилсан асуудлаар хэвлэлийн бага хурал хийлээ.
    Л.Цог “АТГ-ынхан МАХН-ын дарга Н.Энхбаярыг албадан саатуулж АТГ-т аваачна гэсэн захирамж гаргасан атлаа шууд барьж аваачаад Төв аймгийн урьдчилан хорих төвд аваачин гурав хоног хорьчихлоо. Тэгээд өчигдөр Төв аймгийн ерөнхий прокурор Б.Баян-Очирын тушаалаар төрийн тусгай хамгаалалтыг нь буулгасан байна. Мөн өрөөний доторхийг хянаж байсан камерыг болиулсаны дээр хоол унд өгөхөө байсан гэсэн. Байцаалт авна гэж баривчилсан атлаа өнгөрсөн гурав хоногийн хугацаанд байцаагч нь нэг ч удаа очиж байцаалт аваагүй байна. Өчигдөр орой биднийг очиж уулзахаар очиход та нар ажлын бус цагаар ирлээ гээд халгаагаагүй. Тэгсэн атлаа өөрсдөө биднийг байцаах, нэгжих, баривчлах болохоороо дандаа ажлын бус цагаар ирж байгаа нь ямар учиртай юм. Төрийн тусгай хамгаалалтанд байгаа хүн рүүгээ ингэж зэрлэг хандаж байгаа манай улсад ардчиллын тухай ярих ямарч боломжгүй болсон. Энэний хажуугаар худал хуурмаг мэдээлэл ихээр цацагдаж байна. МАН-аас гаргасан мэдэгдэлдээ энэ үйл явдалд бид нар ямарч хамаагүй гэсэн байсан. Өнөөдөр энэ нам төрийн эрхийг барьж УИХ, Засгийн газар цагдааг бүгдийг нь өөрийнхөө хүнээр дүүргэчихээд  мэдэхгүй гэж хэлэхээсээ ичих хэрэгтэй шүү дээ. Хууль гууль болоод нийгмийг тэр аяар нь хавтгайрсан аллагад оруулахад бэлэн болчихсон байхад үндэсний эв нэгдлийн бэлгэ тэмдэг гэгдээд байгаа Ерөнхийлөгч яагаад таг дуугүй байгаа юм. Эцсийн бүлэгт АТГ чинь өөрөө тэр аяараа Ц.Элбэгдоржийн хүнээр л дүүрсэн ш дээ. Одоо бид талбай дээр жагсаал хийнэ. Тэр үеэрээ бид Ц.Элбэгдоржоос та хүчний байгууллагуудад хяналт тавьж хуулийн хэрэгжилтийг хангаж ажиллаач ээ гэж асууна” гэв.

    Харин эмч Б.Жамбалжав “Н.Энхбаяр даргыг баривчлахаар дайрч орж ирэхэд нь тэнд байсан нэг ч хүн эсэргүүцэл үзүүлээгүй. Гэтэл хэвтээд доошоо гэж чанга хашхирсан нөхдүүд замдаа таарсан бүх хүнийг зодож, унагаж эхэлсэн. Тэр баривчилгааны дараа үзлэг хийлгэхэд тэнд байсан хүний 80 нь тархины доргилттой, хавирганы гурав дөрөвдүгээр үе хугаралтай, хамрын ухархай нь хугарсан, цээж, гуя, хөл, нуруундаа няцралтай, хөхөрч бэртсэн байсан нь эмчийн үзлэгээр тогтоогдсон. Н.Энхбаяр даргын даралт ихсээд бие муудчихсан байхад түргэний эмчээ явуулдаггүй атлаа баривчлах хорих болохоороо чуулганы автобусандаа бөөнөөрөө чихэлдээд ороод ирж байгаа нь үнэхээр хачирхалтай санагдсан” гэлээ.