Өнгөрсөн Ням гаригийн өглөө Өвөрмонголд химийн үйлдвэр дэлбэрч нэг хүн амиа алдаж, гурван хүн хүнд шархадсан байна.

    Өвөрмонголын Фензен хотод байрлах Фторын химийн үйлдвэрийн гуравдугаар давхарт өглөөний таван цагийн орчимд гал гарсан байна. Гал гармагц үйлдвэрт байсан их хэмжээний дэлбэрэмтгий хий асгарч дэлбэрэлт үүссэн байна.

    Гал унтраагчид хүнд шархадсан гурван ажилчныг нурангийн доороос гарган амийг нь аварсан байна. Тэд галыг унтрааж дууссан бөгөөд дахин дэлбэрэлт үүсэхээс сэргийлж цогийг сайтар цэвэрлэж байгаа хэмээн орон нутгийн хэвлэлүүд бичжээ.

Гал гарсан шалтгааныг тодруулахаар албаны хүмүүс ажиллаж байна. Фторын химийн үйлдвэр нь хүн ам оршин суудаг нутгаас гурван км-ийн зайд үйлдвэрийн нутагт байрладаг байна.