ОХУ-ын засгийн газар 2012 оны төсвийн тодотголоор 108 тэрбум рубль нэмж төсөвлөхөөр шийдвэрлэсэн юм. Үүний 1 тэрбум 400 сая рублийг өөрийн бүрэлдэхүүнд хамаарагдах Бүгд найрамдах Тува улсад зарцуулахаар болсон байна. /Монголбанкны ханшаар тооцож үзэхэд 6 тэрбум 210 сая төгрөг/

Энэ шийдвэр нь БНТУ-д үүсээд буй нийгмийн асуудлуудыг арилгах юм гэж ОХУ-ын засгийн газрын тэргүүн мэдэгдсэн юм. Тэрээр манай улсын үйлдэрлэл, худалдааны салбар өсөлттэй байгаа нь бизнес эрхлэгчдэд таатай боломжийг бүрдүүлж байна. Ийм ч учраас энэхүү төсвийн тодотгол нь 2013-2015 онуудын хөгжилд зориулагдах болно.

    24.3 тэрбум рублийг ахмад дайчдын орон сууцжуулах ажилд, 14.7 тэрбум рубль нь цагдаа, цэргийн сургуулилт, гал унтраах албад, их сургуулийн урсгал зардалд зарцуулахаар төлөвлөжээ.

    БНТУ-д төсөвлөсөн 1 тэрбум 400 сая рублийг тус улсын зарим нэг барилга, байшинг сэргээн засварлахад зарцуулахаар төсөвт тусгажээ. Бүгд найрамдах Тува улсын Челубинкс бүс нутгийн Розе тосгонд уул уурхайн ашиглалтаас үүдсэн хөрс нь муудаж, хүн амьдрахад аюултай бүс нутагт тооцогдоод байгаа юм. Тиймээс энэ бүс нутагт амьдарч буй иргэдийг нүүлгэн шилжүүлж засварласан барилга, байшинд оршин суулгах юм байна.