1. Яагаад Ерөнхийлөгчийн саналаар удирдлагыг нь томилдог, Ц.Элбэгдоржийн нөлөөний гурван байгууллага буюу шүүх захирамж гаргаж, прокурор хянаж, Авлигатай тэмцэх газар Н.Энхбаярыг баривчлан хорьсон бэ?2. Эксээ хорих нь одоогийн Ерөнхийлөгч болон АН-д ашигтай гэсэн ямар тооцоо байгаа юм бэ?
3. Н.Энхбаярыг МАН захиалан баривчлуулсан гэх ойлголт өгөх суртал ухуулгыг АН-ыг дэмжигч сонин хэвлэл хүчтэй зохион байгуулж байгаа нь ямар шалтгаантай вэ?
4. Өнөөдрийг хүртэл АН яагаад Н.Энхбаярыг баривчилсантай холбогдуулан байр сууриа илэрхийлэхгүй байгаа вэ?
5. Н.Энхбаяр баригдана гэдгээ мэдээд, 7-р сарын 1-ний тухай ярианы протоколыг яаравчлан дэлгэж улстөржүүлж амжихад нь хэн туслав?
6. Төрийн тусгай хамгаалалтынхан Н.Энхбаярыг дээрээс тушаал ирээгүй цагт эцсээ хүртэл хамгаална, буудалцаж болзошгүй нөхцөл үүснэ гэдгийг мэдсээр байж АТГ яагаад гэнэн алхам хийсэн бэ?
7. Н.Энхбаярыг баривчлахдаа хууль зөрчин сунжирсан, нэг талаас Авлигатай тэмцэх газар, нөгөө талаас Төрийн тусгай хамгаалалтыг хооронд нь зөрчилдүүлсэн,телевиз үзэгчдийг айн хирдхийж өрөвдүүлэх, хүний эрхэнд нь халдсан байдлыг зориудын мэтээр зохион байгуулсан нь ямар шалтгаантай вэ?
8. Үйл явдал болсон байшин Энхбаярынх биш түүний эцэг Намбар гуайнх. Тэгвэл яагаад чухам тэр өдөр Н.Энхбаяр Нүхт дэх гэртээ биш аавындаа байсан бэ? Аав ээж хоёроо гэрээс нь явуулсан нь баривчилгаа болохыг маш сайн мэдэж байсны нэг шинж мөн үү?
9. Баривчлах анхны оролдлого бүтэлгүйтмэгц Н.Энхбаярын намын 300 гаруй хүн, өөрийнх нь хэвлэлийнхэн 20 минутын хугацаанд замын түгжрээг туулан цугларч амжсан нууц юу байв?
10. Цагдаад анхны дуудлага 20 цагийн орчимд буюу баривчлах эхний оролдлого бүтэлгүй болсноос хойш ирж Хан-Уул дүүргийн Хэв журмынхан очсон. Цагдаагийнхан АТГ-ын хүсэлтээр оролцож эхэлсэн. Гэтэл яагаад өөрт нь хамаагүй, харъяалахгүй АТГ, шүүх, прокурорын шийдсэн хариуцсан ажлыг ХЗДХ-ийн сайд Ц.Нямдоржид тохох улс төрийн тоглолт эхлэв?
