Моксва хотноо БНХУ-ын иргэн 27 настай Элла Жедеива хэмээх эмэгтэй алагджээ. Энэ хэрэг гуравдугаар сарын 23-нд үйлдэгдсэн нь тогтоогджээ. Хохирогч эмэгтэй хотын Речноу Воксал дахь метроны буудлын ойролцоо орших Фестивалная гудамжны 5-53 тоотод амьдардаг байсан юм. Э.Жедеиваг гэртээ байхад нь хоёр залуу дайран орж ирж олон дахин хутгалж, амийг нь хөнөөжээ.
        Зэрлэгээр алагдсан бүсгүй амиа алдахаасаа өмнө эмнэлгийн тусламж дуудсан байж. Эмнэлгийн үзлэгээр түүнийг олон дахин удаа хутгуулж амиа алдсаныг тогтоожээ. Үүнтэй адилхан өөр аймшигт хэрэг гарсан нь Санкт-Петербургт болсон байна.

25 настай буриад эмэгтэй гуравдугаар сарын 25-нд Санкт-Петербург хотноо алагджээ. Түүнийг төмөр замын зогсоолд халзан толгойтой балмад этгээд 16 удаа хутгалж амь насыг нь хөнөөсөн юм.

        ОХУ-ын Хүний эрхийг хамгаалах байгууллагаас мэдээлж байгаагаар тус улсад гадаадын иргэдийг үзэн ядах, ялгаварлан гадуурхах үзэл байсаар байна. Үүнтэй холбогдуулан гарах гэмт хэрэг улам даамжирч байгааг анхаарууллаа.


Тус улсад арьс өнгө, шашин шүтлэг, үндэс угсаагаар нь ялгаварлан гадуурхах гэмт хэрэг өмнөх оныхтой харьцуулахад өсөх магадлалтай. Хохирогчдын ихэнх нь Кавказ болон хуучин Зөвлөлтийн бүрэлдэхүүнд байсан Төв Азийн улсын эзэлж байгаа юм.
Сүүлийн жилүүдэд халзан толгойд, балмад этгээдүүд 37 хүний амийг хөнөөж, 100 гаруй хүнийг гэмтэж, бэртээгээд байна. Хэт үндсэрхэг үзэлтнүүд 72 хүний амийг хөнөөгөөд байна гэсэн тоон үзүүлэлт гарчээ. 

        Неофашистуудын дур зоргоороо аашлах нь хэрээс хэтэрч байна гэдгийг  Москва хотын хүний эрхийн комиссын захирал Александр Брод мэдэгдлээ. Тэрээр "ОХУ-ын хүн амын 50 хувь нь тус улсад байнга болон түр хугацаагаар оршин амьдарч буй гадаадын иргэдийг ялгаварлан гадуурхдаг. Энэ бүхэн нь АНУ болон Европоос ялгаварлан гадуурхах үзэл суртал нь нөлөөлсөн, улсын иргэдийн дотоод сэтгэл зүйтэй холбоотой. Энэ нь байж боломгүй үзэл." хэмээн байр сууриа илэрхийлж байна. Судалгаагаар неофашистуудын армид 50000-70000 хүн хамаарагддаг нь тогтоогджээ.