БНХАУ-ын Гуанши мужид байдаг модон савхны үйлдвэрт хүний эрүүл мэндэд хортой, химийн бодис ашиглаж байгааг хятадын орон нутгийн хэвлэлд мэдээллээ. Тус мужийн Лишоу хотын Хүнсний аюулгүй байдлын газар, Нийгмийн хамгааллын газар, Хүнс, эрүүл мэндийн газраас хамтарсан шалгалтыг хэд хэдэн газарт хийсэн байна. Шалгалтаар гурван компани үйлдвэрийн хүхэр, лааны тос гэхчлэн хортой нунтаг бодисыг ашиглаж байжээ. Ингэснээр нэг удаагийн модон савхыг маш хортой болгож байгаа аж.