Төрийн соёрхолт дуучин Д.Болд монгол поп урсгалынхаа хоёр дахь цомгийг удахгүй гаргана. Цомгоо Сингапурт бичүүлэхийн зэрэгцээ Монголын хоёр студид клип захиалжээ. Нэг шинэ дуунд нь “Hero” энтертайнмэнтийн уран бүтээлчид клип хийхээр тохирсон бол хоёр дахийг нь “V” студи авахаар болж байгаа сурагтай. Д.Болд монгол поп урсгал дээрээ үргэлжлүүлэн ажиллахын хажуугаар “Гурван охин” хамтлагийн шинэ цомгийн продюссерээр ажиллаж байна. Монгол поп стилийн шинэ гоё дууг “Гурван охин”-д өгсөн нь удахгүй сонсогчдын хүртээл болно.