Ерөнхийлөгч Ц.Элбэгдорж сүүлийн үед улс төрийн хүрээнд болж байгаа хурц, эгзэгтэй үйл явдлуудын талаарх байр сууриа тодорхой илэрхийлээгүй байгаа билээ. МАХН-ын дарга Н.Энхбаярыг баривчилсанд ерөнхийлөгч холбоотой гэж зарим нь мэдэгдэж байгаа бол зарим нь шударга ёсыг хэрэгжүүлж байна гэж талархал илэрхийлсэн. Түүнийг энэ талаар ямар мэдэгдэл хийх бол гэсэн хүлээлт олон нийтэд байгаа юм. Өнөөдөр ерөнхийлөгч Ц.Элбэгдорж Лондоны олимпод оролцох тамирчидтай уулзах үеэрээ энэ тухайд ам нээнэ гэж байсан ч тэрбээр сэтгүүлчдийн асуултаас зайлсхийж байсан юм.
   Харин ерөнхийлөгч Ц.Элбэгдорж энэ сарын сүүлээр буюу 4-р сарын 25-нд нийслэлийн иргэдтэй уулзана. Жил бүр уламжлал болгон зохион байгуулдаг энэ уулзалтын үеэр ерөнхийлөгч баривчилгааны талаар байр сууриа илэрхийлэх байх гэж эх сурвалжууд хэлж байна.