АТГ-ынхан Гандантэгчилэн хийдийн хамба лам Д.Чойжамцаас ТВ-9 телевизтэй холбогдуулан тайлбар авчээ.Экс ерөнхийлөгчид холбогдох хэд хэдэн хэргийн нэг нь ТВ-9 телевизтэй холбоотой хэрэг бөгөөд энэ талаар Н.Энхбаяр Төв аймгийн хорихоос илгээсэн захидалдаа “Япончуудын Ганданд өгсөн студийн төхөөрөмжийг би ч хувьдаа аваагүй. Харин Япончуудаас Мигжиджанрайсигийг бүтээхэд 150,0 сая төгрөг, Ганданд хэвлэлийн болон телевизийн тоног төхөөрөмж, МУИС-д хэвлэлийн болон телевизийн тоног төхөөрөмж хандивлуулж бэлэглүүлсэн юм.
Миний бие уламжлалт буддын шашнаа дэмжих, сурталчлах зорилгоор япончуудаас хувиараа студийн зарим тоног төхөөрөмж өгөхийг хүссэн. Тэд ч хүсэлтийг маань биелүүлж, Д.Чойжамц хамба бид хоёрт итгэж “Ганданд өгдөгөө өгсөн, МАХН-д өгөхгүй, харин та хоёрт хувьд нь цөөн тооны тоног төхөөрөмж бэлэглэе” хэмээсэн байгаа. Харин эх сурвалжийн мэдээлснээр Хамба “Японоос телевизийн тоног төхөөрөмж өгсөн үнэн. Харин одоо тус телевиз төв Ганданд ямар ч оролцоогүй” хэмээн мэдүүлжээ.
Б.Чимэг
