http://www.dailymail.co.uk сайтад Монголын нэгэн шөнийн клубт болсон нохойн зодооны спонсороор дэлхийн алдарт Heineken шар айрагны баннерыг байрлуулсан байсан нь олон хүний шүүмжлэлтэй тулгараад байна. 24tsag.mn сайт энэ тухай мэдээг орчуулан хүргэж байна.

Интернэтэд тавигдсан зургийн дагуу мөрдөн шалгаж байна.

Алдарт шар айраг үйлдвэрлэгч Heineken зэрлэг нохдын тулааныг спонсорлосон байх магадлалтай баннерийн зураг тавигдсан байгааг мөрдөн шалгаж байна.

Дэлхийн олон нийт энэ сурталчилгаанд маш эсэргүүцэлтэй хандаж байгаа бөгөөд зурагнаас харахад Азийн нэгэн үл мэдэгдэх орны шөнийн клубт болсон нохой зодоон байсан байж болзошгүй гэж үзжээ. Зурагнаас харахад манай улсын нэгэн шөнийн клуб байж магадгүй гэсэн таамаглалыг дэвшүүллээ.        Heineken компаниас мэдэгдэж байгаагаар, "ийм үйл явдал болсонд үнэхээр гайхаж, сэтгэл дундуур байна. Цуст тулаантай спортын дэвжээний ойролцоо манай компанийн баннер байрласан байгаа зургийг интернэтээс харсан. Тус зурган дээр хүмүүс нохдын тулаан үзэж байхад Heineken компанийн лого баганаар өлгөөтэй байгаа нь харагдаж байна." гэсэн юм.

Heineken  албан ёсны Facebook хуудсаараа дамжуулан, "Бид интернэтээр цацагдсан манай брэндийн баннер байрласан нохой зодооны зургийг мэдсэн. Бид тийм хэрцгий тэмцээнийг ивээн тэтгээгүй, дэмжихгүй" гэж статустаа бичжээ. Гэсэн хэдий ч олон нийт нохой зодооныг эсэргүүцэж, илт харагдаж байхад худлаа мэлзлээ хэмээн буруутгаж байна.

Heineken компаниийн буруу. Тус компани яаж аймшигтай гэмт хэргийг ивээн тэтгэж чадав уу? гэж олон нийт асууж байна.

    Голландын шар айраг үйлдвэрлэгчийн зүгээс өөрсдийнх нь баннерыг байрлуулж нохой зодооны тулаан явуулсан Монголын шөнийн клубыг олж илрүүлсэн. Бидэнд мэдээлэл өгч, онлайнаар сэтгэгдэл бичсэн бүх хүнд баярлалаа. Нохой зодоон болсон тэр газрыг барих болно гэдгээ албан ёсоор мэдэгдсэн.

Мэдэгдэл хийсэн хүний хэлж байгаагаар, бид онлайнаар тэр нохой зодооны талаар мэдээлэлгүй байсан, алслагдсан газар тиймэрхүү төрлийн сурталчилгаа явагдсан байна. Тус газартай холбоогоо тасалсан гэдгээ хариуцлагатайгаар мэдэгдсэн юм. Манай улсын шөнийн клубын эзэн нь Heineken пивоны баннерыг байршуулсанаа хүлээн зөвшөөрсөн. Учир нь тэр зодоон болох өдрийн өмнөх шөнө Heineken шар айрагны баярыг тэмдэглэж байсан учраас баннераа авч амжаагүй байж. Бидний алдаа болсон гэж мэдэгджээ. 24tsag.mn сайтаас энэ мэдээллийн тодруулгыг хүргэх болно.