Өчигдөр Улсын бүртгэлийн ерөнхий газрын дарга Л.Амарсанаа, Хууль зүй, дотоод хэргийн яамны Төрийн нарийн бичгийн дарга Н.Баясгалан нар УИХ-ын сонгуулиас урьтаж цахим үнэмлэх хэвлэн,  иргэдэд тараах ажил амжихгүй болж байгаа талаар хэвлэлийн бага хурал хийлээ.
Францад улаан өндөгний баяр болж, үйлдвэрлэлд тодорхой хугацаагаар хойшилсноос үүдэн цахим үнэмлэхэд байх цонхны материал нийлүүлэлтэд мөн бэрхшээл учирсан гэнэ.  Тэд манай талд иргэний үнэмлэхийн бэлдэцийг энэ сарын 6-наас эхэлж 10080 ширхэгийг ирүүлсэн боловч үлдсэн бэлдэцийг нь төлөвлөсөн хугацаандаа ирүүлж чадахгүй гэдгээ мэдэгджээ.

Түүнчлэн  цахим үнэмлэхийн чипэнд байх ургийн овгоос эхлээд хүйс, үнэмлэхийн дугаар гэх мэт нийт зургаан мэдээлэлийг  Америкийн компани төлөвлөсөн хугацаандаа хийж чадахгүй гэдгээ хэлжээ.  Сонгуулийн ерөнхий хорооны зүгээс иргэний цахим үнэмлэх унших техникийн шаардлагуудыг дээрх компанид гаргаж өгсөн ч тэд “Маш энгийн үзүүлэлт байна. Тиймээс энэхүү машинд манай талаас тохирсон програм зохиох ёстой. Ингэхэд хугацаа шаардана, наад зах нь 14 хоног шаардана гэсэн хариултыг ирүүлжээ.

Ингээд Франц болон АНУ-аас болж цахим иргэний үнэмлэх хугацаандаа амжиж хийгдэхгүй нь тодорхой болжээ.