Өнгөрсөн амралтын өдрүүдэд гэмт хэргийн гаралт хэр байсан талаар ЦЕГ-ын Хэвлэл мэдээллийн төвийн ажилтан, цагдаагийн дэслэгч Б.Саруултуяагаас тодрууллаа.
    Өнгөрсөн амралтын өдрүүдэд гэмт хэргийн гаралт хэр байсан талаар ЦЕГ-ын Хэвлэл мэдээллийн төвийн ажилтан, цагдаагийн дэслэгч Б.Саруултуяагаас тодрууллаа.

-Өнгөрсөн амралтын өдөр гэмт хэргийн гаралт хэр байв?

-Өнгөрсөн амралтын өдрүүдэд хүний амь нас санаатайгаар хохироосон хоёр хэрэг бүртгэгдсэн. Мөн бусдын биед гэмтэл учруулсан найман гэмт хэрэг, хүчингийн нэг, хулгайн 15, булаалтын хоёр, дээрмийн хоёр, танхайн 16, залилан мэхлэх хоёр хэрэг гарсан. Золгүй байдлаар 15 хүний амь нас хохирсон байна.

-Хүний амь нас хохироосон хэргийг тодруулбал?

 -Баянзүрх дүүргийн 12 дугаар хорооны нутаг дэвсгэр Сармисны хонхор гэх газарт 52 настай Э-г явж байхад нь амь насыг хохироосон онц ноцтой хэрэг гарсан. Хэргийг цагдаагийн байгууллагын ажилтнууд шалгахад, түүний хүү болох 15 настай М “Аав байнга архи ууж биднийг зовоодог” гэх үндэслэлээр цээжинд нь дөрвөн удаа хутгалан хөнөөсөн байсан. Мөн Сүхбаатар дүүрэгт 20 дугаар хорооны нутаг дэвсгэрт хамт байшин барьж байсан хүмүүс хоорондоо маргалдаж, улмаар 32 настай Н-ийг 17 настай Ж гэгч нь найман удаа хутгалж хөнөөсөн. Уг хэргүүдийг цагдаагийн байгууллага мөрдөн шалгаж байна.

-Хүчингийн хэргийн талаар?

-Баянзүрх дүүргийн 27 дугаар хорооны нутаг дэвсгэрт 34 настай Б-г шөнийн 02.00 цагийн үед гэрлүүгээ явж байхад нь 18 настай Т нь архи согтууруулах ундаа хэтрүүлэн хэрэглэсэн үедээ бусадтай бүлэглэн хүчиндсэн байна. Тиймээс охид, бүсгүйчүүд шөнийн цагаар ганцаараа явахгүй байхыг анхааруулж байна.