ӨМӨЗО-ны Хуучин Бараг аймагт томоохон түймэр дэгдэж, үүнийг унтраахаар мянга мянган гал сөнөөгчид ажиллаж буй тухай “Синьхуа” уламжиллаа. Түймэр өнгөрсөн баасан гаригт гарсан байна. Түүнчлэн Орчин аймгийн нутагт гарсан түймрийг мянга гаруй гал сөнөөгчид унтрааж буйч цурманд оруулж чадаагүй байгаа гэнэ. Салхины хурд өндөр байгаа учир түймэр газар авч унтрааж чадахгүй болоод байгаа аж. Үүний зэрэгцээ Монгол улстай хиллэдэг зурвас газарт ч түймэр ассан аж. Үүнийг унтраахаар мөн л мянга гаруй хүн ажиллаж байгаа гэнэ. Орон нутгийн Онцгой байдлын газрынхны мэдээлж буйгаар дээрх гурван түймэр гурвуулаа өнгөрсөн баасан гаригт асч, энэ өдөртөө 20 гаруй ам км газрыг үнсэн товорго болгожээ.