ЦЕГ-ын даргын үүрэг гүйцэтгэгч асан Ч.Амарболдын өмгөөлөгч О.Алтангэрэл өнгөрсөн гуравдугаар сарын 28-нд болсон цагдаагийн экс дарга нарын шүүх хурлын үеэр шүүгдэгч Ч.Амарболдод өмгөөлөл үзүүлэхээс татгалзаж, шүүх хурлыг орхин гарсан билээ. Тиймээс Сүхбаатар дүүргийн шүүхээс шүүхийг үл хүндэтгэсэн, тасалдуулсан хэмээн буруутгаж, “Дэнжийн мянга”-ын цагдан хорих 111 дүгээр төвд 14 хоног саатуулж, өнөөдөр сулласан юм. Тэрээр “Намайг хоригдож байх үед ямар нэгэн дарамт байхгүй байсан. Гэхдээ тэнд маш олон иргэд эрхээ зөрчүүлдэг юм байна. Түүнийг нүдээр харлаа. Түүнчлэн би шүүхэд нэхэмжлэл гаргаж амжилгүй хоригдсон. Одоо би шат шатанд гомдол гаргана. Өмгөөлөгчийн эрхэнд хэзээ ч ингэж халдаж болохгүй. Энэ асуудал надаар төгсгөл болог” гэлээ. Б.Чимэг
