"Азийн мисс 2012" тэмцээнд Арюна Бубеева хэмээх бүсгүй тэргүүн байранд орж, дэлхийн хамгийн том тивийн гоо бүсгүйгээр шалгарлаа. ОХУ-ын бүрэлдэхүүнд орших Тувагийн бүгд найрамдах улсын нийслэл Кызыл хотноо "Алма Матер 2012" Азийн мисс шалгаруулах тэмцээн болж өнгөрсөн юм. Арюна Бубеева нь Буриад улсын мисс бөгөөд тэмцээний тэргүүн дэд миссээр Башкортостаны бүгд найрамдах улсын мисс Разил Абдулгазина тодорсон бол хоёрдугаар байранд Тувагийн мисс Арзаан Ондар шалгарчээ.
"Азийн мисс 2012" тэмцээнд Тува, Алтай, Буриад, Казакстан, Өмнөд Солонгос зэрэг 13 орны гоо бүсгүйчүүд өрсөлдсөн байна. Тэргүүн мисс А.Бубеевагийн хувьд энэ нь түүний гардан авсан 5 дахь титэм бөгөөд түүний олон улсын чанартай тэмцээнд амжилттай оролцох гараа "Буриадын мисс 2010" тэмцээнээр эхэлсэн юм. 24tsag.mn сайт "Азийн мисс 2012" тэмцээний тэргүүн миссийн зурагнуудаас нийтэлж байна. Үзэж сонирхоно уу.
