Хуульзүй дотоод хэргийн яамны сайд Ц.Нямдорж өчигдөр Төв аймгийн урьдчилан хорих төвд очиж Н.Энхбаяртай уулзсан гэх мэдээлэл өчигдөр хэвлэлээр цацагдав.
    Хуульзүй дотоод хэргийн яамны сайд Ц.Нямдорж өчигдөр Төв аймгийн урьдчилан хорих төвд очиж Н.Энхбаяртай уулзсан гэх мэдээлэл өчигдөр хэвлэлээр цацагдав. Мөн өчигдөр 15.00 цагийн үед Төв аймгийн хорихоос арав гаруй цагдаагийн машин хөдөлсөн хэмээн гэрчүүд мэдээлсэн юм. Гэвч холбогдох хүмүүс нь энэхүү мэдээллийг худал ташаа хэмээн эрс үгүйсгэсэн. Харин албан бус эх сурвалжийн мэдээлснээр Ц.Нямдорж тус ангид очиж ажилласан байна. Тэгэхдээ Н.Энхбаяртай уулзалгүй явжээ. Харин хорих төвийн ажилчдад даалгавар өгөөд буцсан сурагтай. Түүний эл үйлдлийг Н.Энхбаярт сэтгэл зүйн дарамт үзүүлж байна гэх хүн олон байгаа аж. Түүнчлэн хорих ангид ажиллах байсан бол өмнө нь ажиллаж байхгүй. Яагаад заавал Н.Энхбаярыг хоригдсоны дараа очиж ажиллаж байгаа юм хэмээн шүүмжлэх хүмүүс олон байна.