Heineken компанийн баннер баганаар өлгөөтэй цус гарсан нохой зодооны тэмцээний зураг олон нийтийн сүлжээгээр тархаж шуугиан дэгдээгээд байна. Эдгээр зургийг харсан олон нийт маш дургүйцэлтэй хандаж, Heineken компаниас албан ёсоор тайлбар хийхийг шаардсан юм. Heineken компанийн зүгээс энэ асуудалд хандаж буй байр суурь, албан ёсны мэдэгдлийг орчуулан хүргэж байна.


Heineken компаниас мэдэгдэж байна
"Олон нийтийн мэдээллийн хэрэгсэл, сүлжээ сайтуудаар Heineken компанийн баннер, сурталчилгаа өлгөөсөн нохой зодоон болж буй зураг үргэлжлүүлэн тавигдсаар байна. Энэ нь үнэхээр бидний сэтгэлийг зовниулсан, хүлээн зөвшөөрч боломгүй үйл явц болж байна. Учир нь манай компанийн брэнд бүтээгдэхүүнтэй холбоотой асуудал.

Бид хэзээ ч хувь хүний сэтгэл хөдлөлтэй болоод ийм төрлийн арга хэмжээг яаж ч байсан ивээн тэтгээгүй, тэтгэхгүй. Энэ нь манай компанийн эсрэг, брэнд болон өөр олон чухал зүйлийн эсрэг, компанийн үнэ цэнийн эсрэг үйл ажиллагаа.
Ийм үйл явдал болсонтой холбогдуулан Facebook сүлжээгээр дамжуулан бид мөрдөн шалгалт явуулсан. Одоогоор мэдэгдэж байгаа зүйл нь:

•    Монгол улсын шөнийн клубт болсон арга хэмжээ
•    Нохой зодооныг зохион байгуулагч нь ингэж баннер байршуулж болох, үгүй талаар ямар нэгэн мэдлэг, мэдээлэлгүй байсан.
•    Нохой зодооныг зохион байгуулсан шөнийн клубын эзэн нь аман байдлаар бидэнд Heineken компанийн баннерыг байршуулсанаа хүлээн зөвшөөрсөн. Тэр үйл явдал болохын өмнөх шөнө манай шар айрагны сурталчилгааны хүрээнд арга хэмжээ болсон бөгөөд тэр үеэр байрлуулсан баннеруудаа дууссаны дараа буулгаагүй нь алдаа болсон гэдгээ илэрхийлсэн. Нохой зодоонтой ямар ч хамаагүй.

"Heineken" компани ямар шийдвэр гаргасан бэ?

•    Нохой зодооныг зохион байгуулсан эзнээс Heineken компанийн сурталчилгаатай холбоотой бүх материалыг хураасан.

•    Тус шөнийн клубт байсан Heineken брэндийн бүтээгдэхүүнүүдийг гаргасан.

•    Хамтын ажиллагаагаа таслан зогсоож, дахин тус клубт манай брэнд бүтээгдэхүүнийг байлгахгүй гэсэн амлалт авсан.

•    Дэлхий даяар байрлах албан ёсны түнш, борлуулагч бүх салбартаа өөрийн брэнд бүтээгдэхүүнд хууль зөрчсөн байдлаар борлуулагдаж байгааг шалгасан. Тийм зүйл байгаагүй. Хэрвээ ямар нэгэн байдлаар бидний зөвшөөрөлгүйгээр ямар нэгэн арга хэмжээ, үйл ажиллагаа зохион байгуулбал бүтээгдэхүүнүүдээ татахыг анхаарууулсан.
•    Цаашид зөвшөөрөлгүйгээр манай хориглосон зар сурталчилгааг хийсээр байвал баримт материал, санаа зорилго зэргийг мөрдөн шалгуулах болно.

Манай үйлчлүүлэгчид интернэтэд тавигдсан энэхүү үйл явдалд анхаарлаа хандуулж байгаад бид баяртай байна. Бид эдгээр зургийг хараад их цочирдсон, сэтгэл гонсойлгосон. Бид хэрэглэгчид сөрөг үйдлийн эсрэг байдгийг ойлгосон. Бид шүүхийн шийдвэр гаргахаас өмнө олон нийтийн өргөн цар хүрээтэй санал агуулга явуулсан. Манай хэрэглэгчид биднийг зоригжуулж цаашид хаана ч манай брэндийг гуйвуулсан тохиолдол гарч болзошгүйг олон нийтийн мэдээллийн хэрэгсэл, сүлжээгээр дамжуулан илэрхийлж байна."

Facebook-чид Heineken компанийн мэдэгдэлд ямар байр суурьтай байна вэ?
       Нохой зодооны эсрэг Facebook бүлгийнхэн энэхүү тайлбарыг сонсоод тус компани бурууг өөрсдөөсөө шууд түлхэж байна гэж үзжээ. Тэд зүгээр л олон нийтийг аргадаж, тайвшууруулахыг оролдож байгаа байх. Шөнийн клубийн эзэнд ярвигтай асуудлыг тулгаж, Heineken өөрсдийгөө цэвэрхэн авч гарлаа. Heineken-д үнэхээр асуудал байхгүй гэж үү? Heineken бол дэлхийн алдартай брэнд. Тэд нохой зодоон болж байхад яаж гадуур нь мэдэхгүй өнгөрөв?
Энэхүү мэдэгдлийн дор маш сайн хариулт, брэндийн нэр бол брэндээс ч илүү чухал. Тайлбар өгсөнд баярлалаа гэх зэрэг сэтгэгдлүүд байв. Нөгөө талаас Heineken шар айргийг ахиж уухгүй, амьтны эсрэг хийсэн үйлдэлдээ хариуцлага хүлээх ёстой гэж байр сууриа илэрхийлэв.



"Элит" шөнийн клуб нохой зодооныг Heineken компанийг ивээн тэтгэсэн мэт харагдуулав уу?

2011 оны байдлаар 71 орны 140 гаруй албан ёсны борлуулагч салбартай болоод байна. Голландын шар айраг үйлдвэрлэгч тус компани нь 1873 оноос эхлэн олон улсад бүтээгдэхүүнээ түгээж эхэлсэн.

 24tsag.mn-ээс энэ асуудлыг тойрсон нэгэн шинэ баримт олсон нь Heineken компанийн ивээн тэтгэсэн гэх нохой зодооныг зохион байгуулсан шөнийн клуб нь Мөнх тэнгэрийн ивээл ХХК-ийн Элит нэртэй клубт болсон байх магадлал өндөр байна.
Учир нь тус компанийн захирал Баасанпүрэвийн гарын үсэг, компанийн тамга тэмдэгийн хамтатгасан албан бичиг олдлоо. Тус албан бичигт шуугиан дэгдээд буй нохой зодоон 2010 он буюу 2 жилийн өмнө зохиогдсон.
Тухайн үед Элит шөнийн клуб Black Morgan ХХК-ээс оруулж ирдэг Heineken компанийн шар айргийг борлуулдаг байсан. Нохой зодоон болох үед баннераа буулгаж амжаагүй байсан. Тус тэмцээнийг Heineken эсвэл Black Morgan ХХК ивээн тэтгээгүй гэж дурджээ.


2010 онд болсон нохой зодооны тэмцээнийг Facebook-чид хоёр жилийн дараа илрүүлэв үү? Тухайн үед Heineken компани өөрсдийнх нь нэр хүндэд муугаар нөлөөлж болзошгүй энэ үйл явдлыг мэдээгүй гэж үү? Элит гэх шөнийн клуб ашиг орлогоо бодон Heineken компанийг сурталчлах ёсгүй тохиолдолд баннерыг нь байрлуулж цаашид худалдан борлуулах эрхээ алдах хэрэг байсан уу?