Гадаадын хөрөнгө оруулалттай компаниуд байгаль орчин сүйтгэж, нутгийн иргэдэд хохирол учруулж байгаа талаар хүчтэй яригдах болсон билээ. Өнгөрсөн долоо хоногт “Петро Чайна” компани Дорнодын Матад сумын иргэдэд 1,3 тэрбум төгрөгийн нөхөн төлбөр олгохоор болсон. Тэгвэл ерөнхий сайд Б.Долгор Өмнөговь аймагт хайгуул, олборлолт хийдэг “Саусгоби Сэндс” зэрэг компаниас нөхөн төлбөр нэхэмжлэхээр болжээ. Энэ компани нүүрс олборлохдоо байгалийн унаган төрхийг эвдэж, овоолсон шороо, нүх үлдээж байгаа нь өмнөговьчууд болон Б.Долгор зөвлөхийг хохироож байна гэж үзжээ. Овоот толгойн ордын лицензийг Хятадын төрийн өмчит “Чалко” компанид Монголын Засгийн газарт мэдэгдэлгүй зарах гэж байгаа нь иргэдийн бухимдлыг төрүүлээд байгаа юм. Үүн дээр нэмж, 2000-2004 онд Өмнөговь аймгаас УИХ-д сонгогдож байсан Б.Долгор нөхөн төлбөр шаардаж байгаа нь сонгуулийн сурталчилгаагаа эхлүүлж байгаагийн илрэл гэж зарим хүн үзэж байна.
