УИХ-ын гишүүн Д.Тэрбишдагва МАХН, МАН хамтран ажиллах боломжтой талаар өчигдөр "Өдрийн сонин"-нд ярилцлага өгсөн нь олон нийтийн сонирхлыг ихээхэн татсан.

Тэгвэл МАХН МАН-тай нэгдэх хүсэлтэй байгааг баталсан бас нэгэн ярилцлагыг УИХ-ын гишүүн О.Баасанхүү өгчээ. Тэрээр “Улс төрийн тойм” сонинд өгсөн ярилцлагадаа МАХН-ын дарга Э.Энхбаяр болон МАН-ын дарга М.Энхболд нар нэгдэхийг дэмжиж байгаа хэмээн ярьсан байна.

Хоёр нам нэгдэх ёстой шалтгаан нь ард түмний хүсэл үү?

О.Баасанхүү “Өргөдлийн байнгын хорооны даргаар сонгогдсоныхоо дараа орон нутгаар ажиллахад үед сонгогчид маань МАХН, МАН бол нэг угшилтай. Тиймээс бие биенийхээ мууг үзэх хэрэгтүй. Харин ч нэгдэж, эвсэх ёстой гэдэг байр суурийг очсон газар бүрт илэрхийлж байлаа. Иймэрхүү утга бүхий өргөдөл ч их ирж байна” хэмээн ярьжээ.

Хоёр намын дарга нар нэгдэх саналыг дэмжиж байгаа

Сонгогчид ийм байр суурьтай байсан учраас О.Баасанхүү Ардын намын дарга М.Энхболд дээр орж  ямар байр сууьтайг асуусан байна.  “Тэр үед  М.Энхболд дарга Нэгдэх нь зүгээр шүү дээ. 70:30 гэсэн харьцаатайгаар нэгдэхгүй юу гэж байна билээ” хэмээн Р.Баасанхүү ярьжээ.
Мөн тэрээр энэ асуудлыг МАХН-ын дарга Н.Энхбаярт танилцуулсан байна. Н.Энхбаяр дарга “Би аль аль намынх нь дарга байсан хүний хувьд жирийн гишүүд, дэмжигчдийн санаа бодолд хүндэттэлтэй хандаж байгаа. Харамсалтай нь Ардын намын олигархиуд Ардчилсан намын олигархиудтай нэгдэж, МАНАН-гийн тогтолцоо бий болгосон учир бидэнд ялан дийлэх боломж муу байна” гэж байна билээ гэсэн байна.

УИХ-ын гишүүн Б.Тэрбишдагва өчигдөр ярихдаа “МАХН, МАН нэгдэж хамтарч ажиллах чиглэлээр яриа хэлэлцээ хийхэд миний хувьд санаачлагатай байж дэмжиж ажиллахад татгалзах зүйлгүй. МАХН, МАН яагаад эвлэрч хамтарч ажиллаж болохгүй гэж. МАХН, МАН-ын гишүүд цөөн хэдэн хүний арчаагүй улс төр, хувийн харилцаанаас болж хоорондоо дайсагнах ч учиргүй. Нэг өдөр муудалцлаа гэхэд нөгөө өдөр нь гар барьдаг байх ёстой. Энэ хоёр намыг хамтрах ажлыг та л хийж чадна гэж хэлдэг хүмүүс байдаг л юм. Гуравхан сая монголчууд намаар, нам дотроо фракцаар талцан хуваагдаж, бие биенээ үзэн ядаж яах юм бэ” гэсэн юм.

Юутай ч МАХН-ынхан намаа хоёр хуваасныг буруу шийдвэр байсан гэдгийг гишүүд, сонгочдынхоо амнаас сонсоод мэдэрчээ. Гэхдээ энд хоёр нам нэгдэх асуудлыг цаашид бүрэн утгаараа бус сонгуульд эвсэж орон тухай дарга нар нь дэмжиж байна.

Сонгуулийн тухай хууль, Улс төрийн намуудын тухай хууль хэрхэн батлагдахаас МАН, МАХН нэгдэх эсэх нь тодорхойлогдох юм.

www.24tsag.mn