Ард иргэдийн амьдрал дордсоор байгаа энэ цаг үед дээр, дооргүй зовлон тоочиж сууна. Эрхэм түшээдүүд улс орон өрөнд орж, ард иргэд сүйрлээ гэж ам уралдан ярьж байгаа ч дорвитой зүйл хийсэн хүн нэгээхэн ч алга. Хүнд тусалж, улс оронд хэрэгтэй зүйл хийе ч гэж бодохгүй "завгүй" байгаа нь нууц биш. Учир нь юу юугүй сонгууль, сандал суудлын өрсөлдөөн эхэллээ шүү дээ.

Тэгвэл энэ бүх луйвар, шоу, явуулга, сандал ширээний асуудлыг түр орхиж бусдад туслахын сайхныг эргэн нэг санацгаая.

Ингээд та бүхэнд өнгөрсөн амралтын өдрүүдэд болсон нэгэн сайхан буянтай үйлсийн тухай сонирхуулъя.

Улаанбаатраас Токио чиглэлд онгоцны тийз худалдан авах гэж тэтгэврийн зээл хүртэл авсан ч билетээ авахад мөнгө нь хүрээгүй эмэгтэйд  огт танихгүй залуу ийн тусалжээ.