УИХ-ын чуулганы үдээс өмнөх хуралдаан эхэллээ. Хуралдаанаар хөрөнгө оруулалтын тухай, Монгол Улсын Их Хурлын тухай, Төсвийн тогтвортой байдлын тухай, Онц байдлын тухай, Хүний хөгжил сангийн тухай, Ард нийтийн санал асуулгын тухай хуулийн зарим заалт Үндсэн хууль зөрчсөн эсэх тухай маргааныг хянан шийдвэрлэсэн тухай Үндсэн хуулийн цэцийн 2015 оны 02 дугаар цэцийн дүгнэлтийг хэлэлцэж байна.
Үндсэн хуулийн цэцийн дүгнэлтийг Үндсэн хуулийн цэцийн гишүүн Д.НАРАНЧИМЭГ танилцууллаа.
Хэлэлцэж буй асуудалтай холбогдуулан УИХ-ын гишүүд асуулт асууж байна. Хууль зүйн байнгын хорооны дарга Б.Ганбат "Үндсэн хуулийн цэцийн дүгнэлтийг байнгын хороогоор ярилцаж шийдвэрлээд хүлээж авахаар болсон" гэв.
Т.Энхэлээ
