Өчигдрийн УИХ-ын чуулганаар казиногийн тухай хуулийг хэлэлцэх эсэхийг хэлэлцсэн билээ. Энэ үеэр УИХ-ын гишүүн Л.Болд,  Д.Оюунхорол нарын дунд багагүй маргаан дэгдэж, нэгнийгээ шүүхэд өгнө гэдгээ ч мэдэгдээд авсан. Үүнийг тодруулбал  Казиногийн тухай хууль санаачлагчийн илтгэлийг Байгаль орчин, ногоон хөгжил, аялал жуулчлалын сайд Д.Оюунхорол танилцуулсан.

Үүний дараа гишүүд УИХ-ын гишүүн Л.Болд “Уул уурхай орон байсныг казиногийн орон болгон гэсэн нь МАН-ын бодлого уу. Мөрийтэй тоглоомчдыг эх орондоо авч ирээд Монголд ашиг авч ирнэ гэж үү. Та нар манай улсын ирээдүй уул уурхай биш казино гэж ярих юм. Энэ зүйлийг чинь дагаад хүний наймаа, мөнгө угаалт, бие үнэлэлт, хар тамхи гээд олон зүйл орж ирнэ" гэмээсэн нь Д.Оюунхорол гишүүний эгдүүцлийг хүргээд авсан юм.

Тэрбээр Л.Болд гишүүний асуултад “Би Л.Болд гишүүнийг гадаад дотоодоор явсан мэдлэгтэй хүн гэж боддог байсан маань буруу юм шиг байна. Та монголын төрд засгийн газрын гишүүн байхдаа цалин тэтгэвэрээ нэмэхгүй яасан юм бэ. Ер нь ажлаа хийхгүй гадуур дотуур явж аялж, арал дээр очиж хэвтдэг байсан байх.

Бид эдийн засгаа сайжруулахыг тулд иргэддээ нөлөөлөхгүй, халаалттай байдлаар казиног байгуулах гэж хичээж байна" хэмээн дургүйцлээ илэрхийлсэн. Үүний хариуд Л.Болд “Байнгын хорооны хурал дээр хэлсэн үгийг та ичгүүргүйгээр гуйвууллаа. Энэ үгээ буцааж авахгүй бол шүүхэд өгнө. Ард түмэн хэцүү байдалд байхад бид өнөөдөр өөр зүйл ярих ёстой” гэв.