Тавантолгойн гэрээний асуудлаар Ерөнхий сайд Ч.Сайханбилэг, УИХ-ын дарга З.Энхболд нар бүлгийн хурал дээрээ муудалцсан гэх мэдээлэл бий. УИХ-ын дарга З.Энхболд гэрээний төслийг буцаасаныг Ерөнхий сайд бухимдан хүлээн авч гэрээний төслийг хууль зөрчөөгүй хэмээн хамгаалсан гэдэг. Харин УИХ-ын дарга З.Энхболд монголчуудын эзэмшдэг 1072 хувьцааг Шинхуагийн мэдэлд очих гэж байна. Мөн Монголын талын эзэмших 51 хувь байхгүй гэх мэтчилэнгээр шүүмжилж байгаа юм.
Тэгвэл уг асуудлаар өчигдөр Үндэсний аюулгүй байдлын зөвлөлийн гишүүд болох Ерөнхийлөгч, Ерөнхий сайд, УИХ-ын дарга нар хуралдаж асуудлыг шийдсэн байна. Тус уулзалтаар Тавантолгойн гэрээнд саналаа нэгтгэж, гэрээний тогтоолын төслийг Засгийн газраас УИХ-д өргөн барихаар тохиролцжээ. Энэ үеэр УИХ-ын дарга З.Энхболд Тавантолгойн гэрээг өргөн барихтай холбоотойгоор цаг гаргаж өгөхөө илэрхийлжээ.
Т.Энхэлээ
Сэтгэгдэл (11)